Hnangam tertu a tlung. Ruahchannak a ngan chin. Kan saduhthah tlamtling hram seh

Hnangam tertu a tlung. Ruahchannak a ngan chin. Kan saduhthah tlamtling hram seh. A voi 76 nak UN meeting pi ah NUG lei in UN Palai Kyaw Moe Tun a mui a lang. Meeting a kai ti thawng kan theih.Meeting a dih rih lo caah thil a fiang rih lo.

Mah belte thawngtha simi cu SAC hnonnak le khamnak kongah US le Tuluk an lung aa khat. Cu hlan cu Tuluk nih thih nun ruat loin SAC a dir pi zungzal.Nain atu cu US hnu a zulh ve cang.

Tutan ah Kyaw Moe Tun hi UN palai ah an cohlan si cun automatic in NUG hi Myanmar cozah ah UN nih a cohlan tinak si. SAC caah Van zoh ah a sang lai i Lei zoh ah a pit cang te lai.Crefit-Tluang Ceu Thang

Kanpetlet le Saw kar i kahnak ah SAC ralkap 10 hrawng an thi, tampi hma an pu. September 14, zinglei suimilaam 10:00 hrawng in Kanpetlet le Saw karlak ah CDF-Kanpetlet le SAC ralhraang i kahnak a chuak i ralhraang lei in 10 nak tlawm lo an thi, mi tampi hma an pu tiah CDF nih a thanh.

SAC ralkap lei nih zawndamh in hriamnam ngan voi tampi an kah. CDF-Kanpetlet lei in hma a pu mi an um lo tiah an tial.

Raltuknak pehtlai in a fah khawh ca ah khuami hna nih Saw le Kanpetlet kar i chawhleh lo ding zong thawngthanhnak an tialchih.TheHakhaPost CDF Kanpetlet Saw Kanpetlet raltuknak

Be the first to comment

Leave a Reply

Your email address will not be published.


*