Hlan ahcun chawva in mirum tah an rak si. Atu ahcun dawtnak in mirum tah an si ve cang.

Tuchan ahhin phaisa a ngei tukmi chungkhar zong hngar an si ti lo. Zeicatiah kan ṭuan phot ahcun phaisa cu hmuh khawh a si ko. Hawi tluk kan ngeih lo zongah kan herhnak te ah hman awk a um cun a za ko.

Thil ṭha ṭha aa hruk khomi le aa cawk khomi le duhnak paohah a vak khomi ngaknu tlangval zong hngar awk an um hlei lo. Zeicatiah tuah khawh ciomi a si ko.

Hngar a um bikmi tu cu hmunkhat te ah khua a sa i inn chungkhar ah dawtnak a sermi kha an si. Ngaknu tlangval zongah laksawng ṭha ṭha aa cawkpiakmi nakin mah le si khawh tawk in dawtnak langhter i aa ngaihthiammi le aa dawmi khuah (couple) kha hngar cem an si ko.

Hlan ahcun chawva in mirum tah an rak si. Atu ahcun dawtnak in mirum tah an si ve cang.

Note: Chawva kawl kha ka dohmi a si lo. Sifak kan si ah mirum kan si ah dawtnak kha hmaisa seh ti ka duhnak a si. Credit-Nunu-NS

Laica (Hakha) in tialmi a si nain ka lung a fiang lo, ahrim English rel ta a hau.

Holhleh le caleh riantuan aa timmi ka si lo caah atu ka hun tial hi a thiang in ka ruah. Cathiamlo, Laica hmanh fiangte in tial lo ahcun, hngalh aa harhmi kan um len lio ah, fiangte in midang holh kha Laica in leh khawh kha a biapi khun.

1. Laiholh i na leh tik ah, CACC Laica kha kuttlaih ah a ttha bik. 2. Na hngalh lomi biafang kha a hngalmi hal hna.

3. Caleh i ‘word by word’ in leh tik ah, a fiang tawn lo, asiloah, sullam phun 2 hoi in lak khawh a si tawn. Cucaah, a fiang lomi biatlang kong ah, context a langh khawh a herh lai.

4. Original biatlang bak ningte in leh tik ah, Laiholh in biafang tam tuk ah aa cang tawn. Biatlang a sau tinak a si cang. Biatlang a sauh deuh paoh ah lungfian a har caah, biatlang a sau tukmi tan hna, cik hna law biatang tawi ah chuah hna. Cun, a fiang deuh lai.

Hi ka tialmi hi, keimah caah a si lo. Laica hmanh fiangte in hngalh aa harhmi an covo caah ka aupiak mi hna a si. Cu hna pawl cu, calettu nih fiangte in nan calehmi an hngalh khawh naklai tuanvo nan ngeih hna.Credit– Salai B Chan Khar

Be the first to comment

Leave a Reply

Your email address will not be published.


*