Hitluk Dirhmun A Phak Ding Ka Rak Zum Lo, NUG Cu Thli Lakah A Ummi A Si Caah Ramchung Ral A Tho Kho Lai Lo

Tutan i Taluk cozah thawngthanhnak pakhat a simi Phoenix TV he tonnak ah MAH nih nawlngeihnak kan lakmi kongah mipi lei lehrulhnak atu bantukin a fak te lai ti ka rak zum lo tiah a chim.

Phoenix TV nih nawlngeihnak nan lak hnuah mipi lei lehrulhnak a fak chin lengmang. Hi kongah a hlankan in na ruahdamhmi ti bantuk a um el maw tiah a hal i MAH nih a cunglei bantukin a lehmi a si.

“Hei chim ko usihlaw atu bantukin a fak lai tiah ka rak zum lo, an thinlung temtuarnak a um ruangah a si lai cu” tiah MAH nih Phoenix TV biahalmi cu a leh.

Cu lawng si loin NUG cu phungninglo bu ah kan thanh cang. NUG cu thli lak lawngah a ummi a si caah ramchung ral a tho ding dirhmun pakhat hmanh a um lo tiah Phoenix TV he tonnak ah a chim.Khit Thit Media The Chin Post

May 4: Mindat Peng Kahdohnak A Zual Chin.Mindat peng, Chin ramkulh le Magway ramthen ramri Shwe Aung Tha khua cu ralhrang nih an thazaang an chap caah May 4, tuzing khan kahdohnak a zual chin tiah khuami hna sinin theih a si.

June 3 kahdohnak ah ralhrang lei pathum an thi i atu bantukin ralhrang nih an thazaang an chap nak a si.

“Nizan kahdohnak kha cu a dai cang nain zanlei ah tlawmpal kahdohnak a um than. Tuzing 7 luan hrawng khan kaphnih kahdohnak a um than” tiah CDF-Mindat in thawngthanhnak lei tuanvo ngeitu pakhat nih a chim.

June 3 kahdohnak khan ralhrang lei 3 an thi, 4 hliam an tuar. June 4, tuzing kahdohnak ah cun a thimi le hliamtuarmi thawng theihfian a si rih lo.Than Lwin Khet The Chin Post

Be the first to comment

Leave a Reply

Your email address will not be published.


*