Hi tluk in mipi kan tangrual i CDM zong a thawng ko nain 2020 Election teitu NLD pawl hi an rak i timh tuahning le cawlcangh ning hi a rak der thawm tuk deuh sual maw ti hi ruah awk um ngai.

Hi tluk in mipi kan tangrual i CDM zong a thawng ko nain 2020 Election teitu NLD pawl hi an rak i timh tuahning le cawlcangh ning hi a rak der thawm tuk deuh sual maw ti hi ruah awk um ngai. 1990 lio i kan ton cangmi thil atu i ton than ding hi cu cohlan awk atha bak lomi thil asi. Voikhat rap i fawihnak hmun i voi hnih tiang i fawih ding hi cu ruah a har ko.

A hlan kan tein thil a cang ding zong theih peng ko bu ah zei hmanh timh tuahnak ngeih cia mi um lo zong hi ruah awk thil atam ngai. ASSK le president an um ti lo hnu in timh tuah cia mi neih lo hrat ahcun zei lam dah kan zawh lai i zei thil dah kan tuah lai timi ah ral an i veng cang hna. An duh lomi tuah sual lai le palh sual lai phan asi cang. Cutik ah biahal awk nih an tha ti loh thongin an chuah ding hngah awk le tha fawn ti loh.

Cucaah a karlak ah mipi kan tuar ngai ko. Timh tuah cia mi rak ngei chung hna sehlaw atu ah hin interim goverment a dir kho colh hnga i legal gvmt. ah pom colh ding zongah a fawi deuh hnga. Nain a tu cu constitution hmanh athar in tuah asi tik cun zeitin dah ram kan hruai lai timi rua hman cia zong a um rih lo tik ah atu tiang ah CRPH pakhat lawng asi tik ah zeitin an kan kal pi lai ti hmanh hngalh asi rih lo. Cucaah caan a hung rau mipi zong kan ba i mithi tiang kan tam nak asi.

Cucaah NLD pawl sual kawl si loin timhtuahnak an rak ngei loh ka timi ah ralkap an i hro cer peng theih ko bu le 1990 lio ah arak cang bal ti theih ko bu in thil cang than sual sehlaw zeiban tuk in ram kan i hruai lai i, zeitin rampi ralkap kan ser lai, zeitik kum constitution dah kan hman lai, tlang cungmi he zeitin cawlcangh ding tbt kha a thli in an mah chungah rua hman cia mi rak neih ding khi ka chim duh nak asi.

Mah cucu rak um kho sehlaw atu ahhin thla khat leng kan kai cang izei maw zet cu a tlam tling cang ko hnga. Atu cu zei lam kan zulh lai ti hmanh thei hua ha loin zeipoh athar phun in ruah damh in cawlcangh asi caah mipi kan tem tuar a sauh nak asi. Asinain ruah chan nak a ummi cu CDM hi asi ko. Arau ti lai lo Bawipa nih CDM adirpi ko. Teitu cu Bawipa asi.Credit-Van Bawi Kam Zaitu

Be the first to comment

Leave a Reply

Your email address will not be published.


*