Hi MP nan i cuhmk hi US Supreme Court bantuk in thih hlan lo tiang thimmi nan si lo

Ka Phanmi lungput: Chinmi nih hihi lungput cu hrial hram hna si.Thopaw Lungput:  Minung hi thiltha tuah kho ding le thiltha tuah ding tampi hna lak ah thil thalo le buaibainak ding lawng aruatmi nan hmuh bal ko hna lai. Cucu khuaruahhar ding asi lo. Minung kan sum tahnak caah kan herhmi thil pakhat arak herh ve caah asi. Mi that lonak kawl le Mi buaibainak, daih tertu situng loin mi forhtu dirhmun in a tel mi hna khi an thisa chungah  zawtnak virus an rak ngeih caah asi. Khakha mawtchiat ding an si lo. An Zawtnak nih a rak hlammi tu kha asi. Cucu chin holh cun Thopaw bantuk minung tiah min sak an si.

Zeiruang ah cuti min an sak?, Thopaw cu na innchung arak luh tik ah innchung a thiannak hmunkaupi kha a lanhtak dih hna lai I hmun bite I chiahmi hmunthur pungtu kha a hmuh hmasa lai I cu hmunthur kha a tlanh hmasa lai. Cucu hmunthur pung chung I hnawm kha a tlanh lai I hmunthur ah aa bual lulh ko lai. Mah kha anih caah cun aa nuamh biknak cu asi lai. Hmunthur umnak lawng a kawl lai, hmunthur umnak zong hawi hlan ah atheih hmasa biktu asi fawn lai. Zei caah tiah anih a kawlmi cu thil fihnung kha asi. Tlawmpal ah adang hnawmpung kha akawl than lengmang lai.

Thopaw bantuk lungput angeimi nih cun na thatnak kha pakhat hmanh hmuh loin na palhnak lawng kha hmuh a zuam peng ko lai. Cubantuk Thopaw lungput angeimi nih cun, na chambaunak le na palhnak kha an kawl piak lai I mikip sin ah phawtzamh kha thil thabik tuah khawh ah aruahmi cu asi. Cutikah na lungrawk hlah amah I a tuah khawh bikmi cu thopaw nih sathu a kawl khawh I anumhnak bik asi kha theih piak thiam ahau.

Na ṭhatnak tampi aummi le thil ṭha tampi na tuah khawh komitu kha I philh hlah. Minung asimi nih atlingmi pakhat hmanh kan um lo. Na palhnak lawngte an kawl piaktu kha hitin va hal ve hmanh! Nangtah palhnak na tuah bal maw tiah! Mi tlamtling kasi, palhnak ka ngei lo nati hnu lawngah mi an chambaunak le an palhnak kha va suai hna.  Culawng silo, Minung timi hi zungzal in thil ṭhalo atuahmi an si lo.

Cubantuk cun mitlamtling le thiltha a tuahtu  an si peng lai ti khawh zong an si fawn lo. A Caancaan ahcun an palh caan zong a um lai I an dik caan zong a um ve ko lai. Kha bantuk in an palh peng lai I an tha peng lai timi kha kan ruah hna ding asi lo.
Minung kip kan caah thaizing timi kan I ngei dih bantuk in hmailei caah tiah tinhmi le ruahchanhnak he khuasami lawngte kan si titu kha theih kan hau. Thaizing ah thiltha atuah kho le thil thalo a tuah khomi lawngte kan si. Biapi asimi cu thil thalo atuahmi kha thil tha tuah dingin chimh le cawnpiak kha arak biapimi cu asi deuh. An palhnak lawng kha hmuh piak in an palhnak tukha thaa nan pek hna ahcun, sualnak cungah, palhnak chung tu ah an pil chin lai.

Cucaah hlan I na palhnak le na tlamtlin lonak lawngte arak in hmuh piakmi minung kha zeihmanh ah va rel hlah. Hmailei lamtha na zulh ding le thil tha tuah dingtu kha va ruat ko. Mi chambaunak le mipalhnak theih piaknak cha incun, Nangmah na chambaunak le na tlamtlin lonak tu kha ruat law na nun remhnak dingtu kha ruat deuh.

Mah nun duhnung si aduhmi nihcun, midang an palhnak le an that lonak ngiatnak ding ahcun an caan pek an siang ton hna lo. Cuve bangin mi palhnak le that lonak lawng a ngiatmi nih cun anmah nun remhnak caan zong kha an rak ngei ve tak lo. Cucu an chuahchan pakhat bantuk in an I ruah cang caah asi. Thil tha tuah aduhmi le mi pipa nih cun mipalhnak le mi chambaunak hmuh kha an hrial hna, mi buaibainak ah remnak lam kha an kawl piak hna I Thopaw bantuk in lungput angeimi nih cun mi buaibainak ah buai ter chin kha an I zuam ve lai. Cucu minung kan sum I tahnak cu uasih. Thopaw cu saathu le hnawm aum lo cun sau aum kho lai lo, khat le khat ah Saathu kawl in a caan kha manh lo ngai in limter a zuam lai.

Nang zeibantuk dirhmun dah na dir? Midang palhnak ngitnak in mah nuntu aa veng khomi situ I zuam hna si. Midang nun na hlat hlan ah milung kan fahter maw? Keitah zeibantuk minung dah ka si timi hi mi sualnak kan hmuh hlan ah kanmah tu aa hmu hmasami situ I zuam deuh hna usi. That lonak tuah cu cawn piak hau loin mikip nih thiammi le tuah khawhmi asi. Nain thatnak tuah cu mikip nih tuah khawh lomi le Lungvar mansung asi kha philh hlah si. That lonak tuahnak nih a zulhmi cu I ngeihchihnak le lungzawtnak nih a zulh lai timi kha philh hlah usi.

Thil ṭhalo na cungah a tlunte tikah na phor kho ve sual  lai lo ding kha ruat hmasa lengmang. Mikip hi keimahnak in khua an ruat kho ve komu, nain zeiruang dah kei hi Thopaw bantuk in ka vah timi kha I philh hlah usih. Midang cu Remnak Peace maker  situ an rak I thim hna. Bawipa pekmi kan pum hi a thurhnawmmi tuahnak ahcun siang ti hna usih. Aleng lei na thil hrukmi athian bantuk in a chung lei zong hi thianter I zuam hna usih  tiah sawmbu in, tutan Politic kan tuah tik ah kan lungput I check hram hna si.

Hi MP nan i cuhmk hi US Supreme Court bantuk in thih hlan lo tiang thimmi nan si lo. Kum 4-5 calawng asi lai kha theih bu tein khuaruat hna usih tiah sawm kan duh fawn hna. NLD ṭaanh lai bantuk, USDP ṭaanh lai bantuk cun CNLD ṭaanh lai bantuk in kan zuang len te lai. Na ṭaan awk hnawmpung an in fim khanh tik ah cun a thiannak hmun ah na rim nampi he na rat tik ahcun fung in maw, khaihriat kual in maw an in peh lai I na thih sual lai kha ruat bu tein, miphun zawnruahnak  lungput, khuaram dawtnak LUNGPUT he thiang tein kan zuam piak hram uh. Tholung he na rat sual ahcun naa futnak hmun a um sual lai lo kha, tha tein khua ruat buin timhtuahnak kan ngeih piak hram uh tiah sawm buin.Credit-Moses Lian
USA

Be the first to comment

Leave a Reply

Your email address will not be published.


*