Hakhathar lamton (၆-လမ်းဆုံး) ‌kahohnak ah ralhrang 4 an thi i, 9 hrawng hliam an pu.

CDF-Hakha le SAC Ralhrang Ni 2 Chung Kahdohnak ah Ralhrang 7 an Thi.May 18, 19 ah CDF-Hakha le SAC Ralhrang karlak kahdohnak voi 4 a chuak i ralhrang 7 an thih pin ah a tlawm bik 19 hliamhma an pu, tiah CDF nih an langhter.

May 18, zanlei sml. 4-5 karlak ah Hakha-Thantlang lam cung i security checkpoint (Hakha University pawng) ah kahdohnak a chuak i ralhrang a tlawm bik 2 hliam an pu.

Cun, Hakhathar lamton (၆-လမ်းဆုံး) ‌kahohnak ah ralhrang 4 an thi i, 9 hrawng hliam an pu.

Hakha-Gangaw lam kahdohnak zong ah ralhrang lei in a tlawm bik 3 hliamhma an pu hna.

May 19 zinglei sml. 5-6 karlak ah SAC ralhrang milu 70 hrawng Hakha-Matupi lam lei ah an kal i CDF-Hakha nih an kah hna. Ralhrang 3 an thi i a tlawm bik 5 hliamhma an pu, tiah CDF nih an langhter.

SAC ralhrang nih CDF-Hakha chungtel pawl i motorcycle 30 leng mei in an kanghpiak hna.

Kalay lei in SAC ralhrang nih thazaang an chap caah kahdohnak a fak chin kho, tiah CDF nih thawngthanhnak ah an langhter.
The Chin Journal May 20, Hakha

Thantar Raang Thlir in Mindat Khua ah Ralzaam hna ca ah Tirawl a Cawtu Pa an Pehtlai Kho ti Lo.Nihin May 19 ah thantar raang i thlir in Mindat khuachung ah ralzaam hna ca ah eidin tirawl cawk ding in a kalmi Salai Ki Khaw Kee Thang cu atu tiang chungkhar nih an pehtlai kho ti lo.

Salai Ki Khaw Kee Thang hi Mindat peng, Madan khuate ah a ummi a si i nihin zinglei sml. 10:00 hrawng ah khan ralzaam tirawl cawk ding in Mindat ah a kal.

SAC ralhrang nih an tlaih i a si kho, tiah chungkhar nih an ruah.The Chin Journal
May 19, Yangon (Zalen)

Be the first to comment

Leave a Reply

Your email address will not be published.


*