Hakha University ah Siangngakchia a Kaimi an Um Lo

Nihin May 5 hi Myanmar ramchung University on dih ding in SAC nih nawl a chuah nain Hakha University ah cun sianginn a rak kaimi siangngakchia ahohmanh an um lo, tiah Hakha University sayakyi Dr. Lian Za Khup nih The Chin Journal ah a chim.

“Nihin sianginn a rak kaimi siangngakchia an um lo. Saya/sayamate cheukhat cu an um ko i cacawng kho ding dirhmun cu kan si ko. Kai a duhmi an um ahcun rak kai khawh a si,” tiah a chim.

Hakha University Students Union i an Chairman a simi Salai Shing Mang zong nih “Nihin Hakha University ah siangngakchia ahohmanh an kai lo,” tiah a chim ve.

SAC nih nihin thawk in University pawl on a timh nain Myanmar ramchung University kip ah ralkap kut tang sal fimcawnnak doh in University kai loin an um hna.

Aralaimi May 24 zong ah khin Myanmar ramchung sianginn apnak tuah a si lai, tiah SAC nih thawng a thanh.

Burmese ဟားခါးတက္ကသိုလ် ကျောင်းလာတက်သူတစ်‌ေယာက်မှမရှိ စစ်ကောင်စီမှ မေလ ၅ရက်နေ့တွင် တက္ကသိုလ်ကျောင်းများဖွင့်လှစ်သော်လည်း ချင်းပြည်နယ် ဟားခါးတက္ကသိုလ်တွင် ယနေ့ကျောင်းလာတက်သူ တစ်ယောက်မှ မရှိကြောင်း ပါမောက္ခချုပ် ဒေါက်တာ လျန်ဇာခုတ်က ချင်းဂျာနယ် သို့ပြောသည်။ The Chin Journal May 5, Hakha Hmanthlak pawl hi ahlan ta an si hna.

Be the first to comment

Leave a Reply

Your email address will not be published.


*