Hakha Mino nih Saya Tluang warning an pekmi zong hi fakpi in Saya Tluang nih a ruah piak hna lai ka zumh.

CDM in aa timhmi cu SAC nih Cozah dirh khawh loin, Kawlram cu “failed state” dirhmun ah caanter kha a si.

Failed State dirhmun kan phan lawng ah CRHP in, NUG a nung kho lai i, Civil War kha “justified war”  ( a dikmi ral) tiah ram dang dirpinak zong a um kho lai. Failed State kan phan lawng ah UN   ithlaknak innka aa awng deuh lai i, US le like-minded pawl caah ithlaknak zongah lam aa awng deuh lai.

Cucaah, SAC nih Cozah an ser khawh lonak ding ah le, failed State dirhmun a si peng nakding ahhin ramchung CDM hi number one a si. A biapi tak.

Hakha Mino nih Saya Tluang warning an pekmi zong hi fakpi in Saya Tluang nih a ruah piak hna lai ka zumh. Zeicatiah, Sianginn kai lo kha, Failed State phaknak ah a biapi takmi a si. 

SAC nih order an tuah ning in, Sianginn kai i awt in, Sianginn awn ahcun, SAC nih Cozah an ser khawh tiah langhter bantuk a si caah, CDM cawkcanghnak thahri chahtu bak a si. 

Cucaah, Saya Tluang hi miphun a dawmi, ram le Miphun a tanh bakmi a si ko caah, SAC order ning in sianginn kai cu aa thlachiat ko lai ka zumh.

Amah zong hi ka ca hi a rel ve ko lai caah, Hakha Mino duhnak le CDM hmang in, SAC nunter loin, failed State dirhmun phaknak caah ka biapi bak ve timi lungput he, CDM hi a caah a har tukmi lam a si ko lai nain, CDM lei ah thazaang rak chuah kho hram sehlaw a miphun hawi kan ilawm taktak lai.Credit-Zasang Cinzah

Be the first to comment

Leave a Reply

Your email address will not be published.


*