Hakha Mann Motor Mongtu Ko Sai Kyaw Kyaw Hakha Gate ah an Tlaih

Hakha Mann khualtlawng motor mongtu a simi Ko Sai Kyaw Kyaw cu March 26 ah Hakha Gate ah ralkap le palik nih an tlaih, tiah thawng kan theih.

Ko Sai Kyaw Kyaw nih a monghmi Bus chung ah lamzawhtu hna hmanmi thilri (Gas Mask) pawl an hmuh caah tlaih a ton hi a si.

Ko Sai Kyaw Kyaw i a nupi nih, “Gate ah an check i a motor ah Gas Mask tibantuk an hmuh. Mah thilri pawl a phortu nu rak pehtlai u law zaan lei suimilam 5:00 hlan ah rak chuahpi u tiah palik nih a kan ti. Asinain, thilri a ngeitu nu kan chawn kho lo. Voi khat cu phone a tlaih nain mah hnu cun a tlai ti lo,” tiah The Chin Journal ah a chim.

Ko Sai Kyaw Kyaw hi Hakha palik sakhaan ah an hren i, sualphawtnak pohma no. 505 in taza an cuai. Aralaimi April 9 khi biaceih zung ah cuahpi ding a si.

Ko Sai Kyaw Kyaw an tlaih lio ah a hawipa pakhat an tlaihmi a um ve. Asinian, aho a si timi kan thei lo, tiah Ko Sai Kyaw Kyaw a nupi nih a chim chap. Credit-The Chin Journal March 28, Hakha

Adanng relthan;Ralkap Ni cu Tluang Te an Dih Cang;Nihin Ralkap Ni cu kum dang nakin minung thaazang a der ngai. Nain hriamnam thaazang kum dang nakin an piah deuh.
Vawlei cung ram nih Thaazang pek nak  ca an kuat tawn hna ii nihin cu Myanmah a lin zong ah an tial ti lo. kumdang ah cun Ambassy, Ambassdor an kai peng nain Nihin cu an mui hmuh an si lo. Nan riantuannak kan in hnatlak pi lo ti he akhat ko. Russia le Tuluk lawng an kai tiin theih a si.

Sub- committee pathum kan dirh cang i NCA tharchuah ding ka zuam lai a ti. Nain  tlangcung hriamtlai cheu khat cungah an mah pumpak rumnak, siitha lo hriamnam an zuar mi an um a ti rih.

Siipuaizi a tla chin chin cang lai. Mipi kan har tuk cang lai. A ruah ning bantuk pakhat hmanh a tlamtling mi le a thar chuah khawh mi a um ti lo. Mipi hrem, tleih le thongchungah khumh le thah lawng a duh cang rau.

A’chung bia daihnak ka sawm hna lai ii an ra duh lai lo a theih caah Ralkap Ni dih hnu cun Tlangcung hriamtlai ka kah cang hna lai a ti in an chim. Cucu hriamtlai umnak hmunhma lei an ralkap a kuat pah cang hna  ii a tu a  kuat rih hna lai tiin theih a si.

Ralkap pawl an hrang chin cang lai. Thaizing thawk in cun Methal in thih lak in sandahpiah mi pawl kap hna uh an ti cang hna tiah thei a si. Nan fa nu le nan fa pa hna thi hna hlah seh ti nan duh hna si cun sandahpiahnak ah an i tel lo ding cu nan kut chung ah a um a ti hna.

Ralkap nih an chim bantuk in an tuah tak tak si cun Mipi zong daithlan ding a si ti lo. Kan theih mi tactic hman dih a hau cang. Ralkap sakhaan pakhat tal cu lak ve a hau cang. Hakha Ralkap sakhaan a tlanglei in meidua piak ve hna seh law zamtim hna ah kap cang hna seh. Khankhaw lei le Kalay lei an rak rat nak lam bawh i kah lawng ah kan tei hna lai. KIA le KNU nih Ralkap sakhan an ting cang ti thawng cu theih lengmang a si i kan mah lei zong ah sakhan ting khawh nak lam a um ve ko lo maw?

Kan cihmih an kan timh cang ii mipi zong nih raltha te in dir ve ahau cang.Zei ko hme Ralkap cungah kan sual, sualnak ngei lo tam tuk  an kan thah MAH le ralkap pawl ruangah  ram pumpi lungzawtnak kan ngeih dih cang lai.Lungrual cu teinak a si.Credit-Robert Ling

Be the first to comment

Leave a Reply

Your email address will not be published.


*