Hakha khuathar ah bom puah hnu in, Ralkap nih an hmuh mi poah an tlaih mi hna hi sualnak ngei lo Nu 25 le Pa 26 an si tiah theih a si.

Thawng-bultan: Bomb puahnak hmun le kiangkap ah tlaih mi nu cheukhat an thlah than hna

TCP Hakha| 2021 June 6 — Hakha khuathar ah bom puah hnu in, Ralkap nih an hmuh mi poah an tlaih mi hna hi sualnak ngei lo Nu 25 le Pa 26 an si tiah theih a si.

Cuchung ah nu cheukhat tu zaan ah an thlah than hna tiah kan theih.

Nizaan zaanlei, June 5 i Khuathar sang bomb a puah hnu ah an tlaihmi chung in nu cheukhat an thlah than cang hna. Nain, pa hi an dihlak in Ralkap umnak 266 ah an hren rih hna tiah theih a si.

Nu an tlaih mi hna hi 35 an si. Cuchung ahcun, nu 27 cu tu zaan sml. 10:30 tluk ah Hakha Palek zung in an thlah hna tiah cawlcanghpi tu upa sin in kan theih.

Asinain, ni zaan tlaih mi Pa vilate cu Ralkap umnak 266 sakhaan ah an hren hna. Nu 27 an thlah hna i a dang nu 7 hi an thlah rih hna lo tiah theih a si.The Chinland Post

Hibantuk harsatnak kan ton liao ah hin

Mi cheu nih A miakmai kawlnak phun in an i la, micheu nih dai tein an um ziar, micheu nih , rawl ei pah tiangin an chim an caih nain zeihmanh an tuah hlei ve loh, mi cheu nih hehchet tiah phaisa siseh, din ei tbk in an ttuan ve , micheu nih nunnak tiang in an peek.

Kan cawlcanghning ai dang dih, ram caah nunnak ape cang mi Nusal , pasal ttha hna nan nunnak dih hmanh seh nan nih cu Teitu nan si.Nan thih hlan tein miphun le ram caah athicia hmuh in nan rak i hmuh diam cang kha nan thisen nih bia achim.Crd-Hniang Tha ceu

Be the first to comment

Leave a Reply

Your email address will not be published.


*