Hakha khua ah meithal thawng pehtlai in a thang than

September 14| Hakha khua hmun tam nawn ah 8:30 in atu 9:15 PM tiang bomb asiloah meithal puah thawng pehtlai in a thang than.

“A puahka ahcun Chin Oo Sii le Dawrthar hrawng in a si. Cun, SAC ralkap umnak Rungtlang (266) le Khuathar zong ah a puak thluahmah than. Meithal thawng cu a fiang. Cun, bomb thawng zong aa tel ko. Bomb an puahchih ko lai dah,” tiah khuami nih The Hakha Times ah an chim cio.

Nihin September 14 zaanlei tekhan Hakha Zungkipfonh (Suhpawng zung) hrawng ah SAC ralkap an khat cang, tiah kan theih. Nizaan nai zaanlai ah puahkehnak siseh, Hakha Khuathar ah mi tlaihkhihnak siseh, SAC nih an tuah cuahmah.The Hakha Times

Ralkap nih thimnak ka tuah than lai ati zongah i lawm hlah usih. Thimnak camen ah ralkap doh asi lo.

Suu Kyi le President hna kan chuah hna lai an ti zongah ralkap doh ah kan lung dong hlah seh. Suu Kyi le ram president luatnak men caah ralkap doh asi lo.

Daihnak peace kan tuah lai ti zong ah kan lung thial hlah u sih. Daihnak peace ca men ah ralkap doh asi lo.Kan doh mi cu Federal uknak caah asi tihi mipi thei peng hna usih.Lairam Lai Pa

Be the first to comment

Leave a Reply

Your email address will not be published.


*