Hakha in upa pakhat nih, “Sianginn kai ding fale 4 bak ka ngei hna.

June thla asiloah sianginn kai tawn nicaan kan phan cang lai nain…(3) By:Upa pakhat le Taanghra siangakchia nu pakhat

Hakha in upa pakhat nih, “Sianginn kai ding fale 4 bak ka ngei hna. Nulepa hmanh sianginn thate kai kan si lo, kan fale tal cu fimnak cawng ve hrimhrim hna seh, cathiam hna seh, hawi tluk ve hna seh, ti hi zeizongte nakin pakhatnak ah ka chiah zungzal. Asinain, kan ram boruak cu zapi hngalh a si ko. Kum 50 ka si cang i cu chung ah kum 10 hrawng lawng democracy ka tep manh. Ralkap uknak tang ah a thanglian mi ka si bantuk in ka fale nih an hun ton ve ding le anmah uknak tang i sianginn kaiter ding hi ka ruat kho hrimhrim lo. A tawinak in chim ahcun, baanrawt hmanh in ka kaiter hna lai lo,” tiah a chim.

“COVID-19 phihkhar ruang ah kum khat chung sianginn kan kai ti lo. Atu hi Min Aung Hlaing ruang ah kan kai hoi lai lo. Kan hawikom hrim kan i ngai tuk cang. Keimah he taanghra a kai ding ka hawikom pa pawl hi cheukhat cu ramtang ah an kal, an ti. Sianginn hrimhrim ka ngai tuk cang. Ca kan thiamlo i saya/mate nih siik le fungtuk hmanh kha ka ngai cang. Min Aung Hlaing ruang lawngte a si ko,” tiah Hakha BEHS No. 1 ah taanghra kai ding siangakchianu pakhat nih a chim.

Biakilh: Siangakchia le Siangcachim hna nih sianginn an ngaihnak, fimcawn an duhnak le nulepa hna nih an fale fimcawn lo ding an lungfahnak, asinain kai awk a si khawhlonak kha atu bantuk in an langhter.
Photo_Crd The Hakha Times

Be the first to comment

Leave a Reply

Your email address will not be published.


*