Hakha Education College ah hin siangngakchia zapi 57 an um i, cu chung ah cun SAC ralhrang kut tang ah sianginn a kaimi siangngakchia 14 an um.

Hakha Education College Lawng ah Sianginn a Kaimi an Um.Hakha khuachung sianghleirun pawl lak ah Hakha Education College (ဟားခါးပညာရေးကော်လိပ်) lawng ah sianginn a kaimi siangngakchia tlawmpal an um, tiah thawng kan theih.

Hakha Education College ah hin siangngakchia zapi 57 an um i, cu chung ah cun SAC ralhrang kut tang ah sianginn a kaimi siangngakchia 14 an um.

“Hakha University ah cun siangngakchia a rak kaimi an lo. A duhmi rak kai khawh a si,” tiah sayagyi Dr. Lian Za Khup nih University on ni ah The Chin Journal ah a rak chim.

Hakha GTI ah sianginn kai ding in mincazin a pekmi minung 6 hrawng an rak um nain ahnu ah an i let tthan i a kaimi ahohmanh an um lo, tiah Technical Students’ Union nih thawngthanhnak an rak tuah ve.

May 24 ah SAC ralhrang nih Myanmar ramchung sianginn apnak an tuah nain Hakha le Thantlang ah siangngakchia a apmi pakhat-hnih lawng an um, tiah thawng kan theih.The Chin Journal May 26, Hakha
Hmanthlak hi a tthing a si.

SAC Ralhrang a Zaamtak i CDM a Tuahmi Chin Pa le a Chungkhar an Harsa le Lungrethei in an Um

Kayin ramkulh, Hpa-an khua ah hmun a khuarmi SAC ralhrang bu No. 202 ah rian a ttuanmi Tedim pa cu a chungkhar he SAC ralhrang bu an chuahtak i bawmtu ngei loin an um caah harsa ngaiin an um, tiah RFA nih tu zaanlei ah a langhter.

“CRPH he zong pehtlaihnak kan tuah kho lo. Kan i dupnak khua ah harsa in kan um,” tiah nihin May 26 ah RFA ah a pehtlaih hna.

“SAC ralhrang bu kan zaamtak cang caah kir tthan awk zong a ttha ti lo. CRPH nih runvennak a kan pek nakhnga online in kan pehtlaih nain kan pehtlai kho hna lo,” tiah a chim.

Tedim pa le a chungkhar hi thla khat dengmang khua pakhat ah a nupi le a fale pathum he an i thup cang.

Humnak hmunhma an phak rih lo caah a cunglei ralkap pa i a min, ralkap ttuannak number le an i thuhnak hmunhma pawl langhter a si lo, tiah RFA nih a ttial. The Chin Journal May 26, Yangon

Be the first to comment

Leave a Reply

Your email address will not be published.


*