Hakha Cawbuk Sang ah inn pakhat a kaang, minung an him

April 22 zaan, 12:30 AM hrawng ah Hakha Cawbuk Sang Pi Sui Pen inn (Innhlang Pi Tawk Sung te umnak) cu electric mei in a kaang, minung cu an him, tiah kan theih.

“Hi inn kaang hi electric mei in aa thok mi a si. Pi Tawk Sung te hi nu lawngte 3 khuasa an si. Minung cu an him nain an thilri cu a ciam dih ko. Thaal ruah a suur lo tik ah a linsa tuk i ram mei siseh, inn mei siseh fawi tein an kaang kho.  Cucaah, mei hi cu kan i ralrin peng ding mi a si,” tiah Hakha Peng Meithat Zung lutlai Pu Thian Nuam Maung nih The Hakha Times ah a chim.

2021 kum chung Hakha ah inn 5 in 10 kar hrawng a kaang cang i ram mei hi voi 40 hrawng an tlaan mi Meithat riantuan hna nih an phalh cang, tiah kan theih.Credit-The Hakha Times

Kalay-Kabaw lei Chin unau hna nih Chin National Defense Force (CNDF) an dirhmi cu a ttha ngai tiah ka ruah. Thazaang a pe khomi paoh nih thazaang pek cio ding an si. Abik in Ralkap kut in mino tampi an nunnak a liam tikah, CNDF bantuk buu hi an herh tuk ruang ah a rak chuakmi a si tiah ka hmuh.

Ka newsfeed ah CNF/A an um ko caah, buu dang dirh a herh lo nain, tiah racism/miphun hoih/view in criticism/soiselnak a tuahtu tete an a rak chuak. Mahbantuk racism view in dirhmi buu a hmutu paoh hi, anmah tu kha “racist” an si kha an hngalh lo caah a si i, Chin miphun lungrualnak pinah CNF/A thawnternak caah dawnkhantu/phentu an rak si kha, nihin tiang an ifiang kho lo i, a poi tak.

[Inn nganpi/mansion/ Chinland ]ah Livingroom light/ CNF/A nih rooms dang vialte a ceuh/ light a pek khawh lo ahcun, room kip ah Light dang/ CNDF/ZRO/ KNO tbk bunh cio kha a herhmi an si ko.

Cun, zeibantuk hriamtlai/ Arms group nih an target/goal cu SAC tei in Chin ram ah zalawnnak/ daihnak le federal uknak a chuah khawhnak hnga, hmalatu an si i, kan ral kan tei in, Federal Democracy ram kan dirh khawh tik ahcun, tulio buu an ummi vialte hna hi a dih/dissolve colh ding lawngte an si ko hna.

Cucaah, zeitindah kan ral/ SAC ti kan tei khawh lai timi hi biapi ah ruah in, buu a um ciomi vialte hi, zeitindah kan ikomh khawh lai i, kan tthawng lai timi leitu hi biapi deuh in ruat cio caan a si.Zasang Cinzah

Be the first to comment

Leave a Reply

Your email address will not be published.


*