Hakha ah tuni ralkap uknak kan duh lo tiin lam a zawhmi nan tam taktak, uar nan um tuk.

Hakha ah tuni ralkap uknak kan duh lo tiin lam a zawhmi nan tam taktak, uar nan um tuk. Live thlahnak nawl phih hlah ulaw Myanmar pumpi lawng si loin vawleicung nih an rak zoh ve lai i hmual a ngei chinchin hnga.

Hruaitu nan khuakhan kan upat ngai hna, nain live thlah nan phihmi belte cu nan hriamnam tha bik hmang zia nan thiam rua lo, nanmah hriamnam lila kha hmang loin nan phih tiah ka ruah.

Live thlah hi mizapi caah tih a nung lo, mizapi caah CCTV camera bantuk a si lehlam. Ralkap le palek nih an tih cemmi hriamnam a si.

Live thlah ruang ah palek le ralkap nih kan umnak hmun an thei sual lai timi cu a dikmi a si lo. Anmah cu hmunkip ah minung an ngei dih, live zoh loin nan umnak fawi tuk in an thei khawh dih ko.

Video thlakmi le hmanthlak zong hmual a ngei ve ko, nain live video kha a let in hmual a ngei deuh. Live thlah lawng ah atu acang cuahmah timi zapi nih theih khawh a si.

Video hmual a ngei lo deuhnak tette cu Hakha Post nih an thlahmi ah khan hmuh khawh a si, March 3 ti ding kha February 3 tiah an tial palh. Mah bantuk nih hin video cu kan duh ning tluk in hmual a ngeih lo hi a si.

Live video cu anmah an hriamnam a si lo, lamzawhtu mipi nan hriamnam a si. Thaizing thawk cun rak hmang than cang u.
Credit-Salai Lungthli Tum

Be the first to comment

Leave a Reply

Your email address will not be published.


*