Hakha ah Tlaihmi Minung 6 an Luat, a Dang Minung 3 Taza an Chuai Hna

May 28 le 29 ah SAC ralhrang nih Hakha ah minung 9 an tlaih hna i nihin May 30 ah minung 6 an thlah tthan hna, tiah thawng kan theih.

Golf Club sang ah an tlaihmi Pi Ngun Za Tling tling telh in a dang minung 2 hi pohma no. 505 (a) in taza an cuai hna.
The Chin Journal May 30, Hakha

Covid Zohkhenhnak He Pehtlai In Cikha Sii-Inn Ah Harsatnak An Tong

Cikha ah Covid-19 Mizaw pa 7 an hmuh hnuah Cikha Sii_Inn cu harsatnak tampi an tong an buai,chun zaan in sii-inn ah mizaw a zohkhenh tu Chief Nurse le Lab Technician Lun Za En nih a ti.

“Oxygen, thilri le mei zong duhningin hman ding kan ngeih lo pinah mizaw phorhnak mawtaw zong thathi in kan ngei lo. Siibawi zong kan i daih lo, Sii-Inn riantuan minung 11 ah atu minung 3 lawng rian kan tuan” tiah a chim.

Ralhrangbu nih uknak a lak hnuah Siibawi tampi cu CDM ah an luh caah Sii-Inn tampi cu riantuantu an um lo caah khar a si.

Pi Lun Za En nih Cikha ah minung 24 ah kan hmuh mi lakah pa 7 hi sii-inn ah zohkhenh a hau mi, a zual deuhmi an si tiah a ti.

Cikha hi Chin ramkulh India ramri he meng 6 lawng a hlat mi khuapi pakhat a si. Atu ah Stay at Home ah thanh a si.Reuters The Chin Post

Be the first to comment

Leave a Reply

Your email address will not be published.


*