Hakha ah Haa siibawi le siangcachim Sayama pahnih tel in minung 4 SAC ralkap nih an tlaih hna

The Hakha Times, June 19 June 19, Hakha ah Haa siibawi (Dentist) le siangcachim Sayama pahnih tel in a tlawm bik minung 4 cu zaanlei 6:00 pm hrawng ah SAC ralkap nih an tlaih hna, tiah kan theih.

“Haa siibawi hi Falam khuami Dr. Moe Kyaw Aung (Pa Kar) a si. No. 3 sianginn ah ca a chim mi Sayama Dawt Tial le a naunu Sayama Par Tha Dim cu an inn luhhnawh in an tlaih hna. Haa siibawi Dr. Pa Kar an tlaih lio ah hin khuami pakhat zong an tlaihchih. Cheukhat nih mi dangdang zong an tlaihchih hna, an ti ca ah a tlawm bik minung 4 cu an tlaih ko hna,” tiah min langhter lo mi pakhat nih The Hakha Times ah a chim.

Atu siangcachim an tlaih mi hna hi Hakha Gangaw lam sang ah a um mi an si. Haa Siibawi Dr. Moe Kyaw Aung (Pa Kar) zong Gangaw lam Sang ah a um mi a si ve. SAC ralkap nih June 19, zaanlei 5:50 pm hrawng ah an inn luhhnawh in an tlaih hna i an kalpi hna, tiah kan theih. The Hakha Times

Adang relthan:Zeidah a kan cawnpiak?Na tuahmi le tuanmi, naa tinhmi, na saduhthah le lungthlitum ah harnak, dawnkhamtu, buainak, kehleng phelhtu, leirawitu tbk a phunphun na tong ko lai. Na dawtmi, na hawikom, na bochanmi ngaimi hna nih an in bawmh duh lo caan, hnu an in chit caan zong a um ko lai! Cu bantuk dirhmun i na dir lioah a cunglei i Fung le tisartlam kong ka chimmi khi philh hrimhrim hlah.

Lungsau tein naa zuam i naa hnek ko a si ahcun na theih bal lomi, a mui hmanh na hmuh bal lomi hna sinin bawmhnak a ra kho ko. Fung kha a hawile nih an zoh sawh lioah ti-vok pahnih nih an chanh kha mu!

Tutan i ralhrang dohnak zongah kan i hnek a hau te lai. Fawitein tei khawh a har lai. Kan thazaang dihlak chuah in kan i hnek lo ahcun sungh khawh a si. Kan i hnek khawh a si ahcun kan ram inn-pa hna sin in bawmhnak kan hmuh lo zongah ramhla piin bawmhnak a ra kho ko.By. Salai Bawi

Be the first to comment

Leave a Reply

Your email address will not be published.


*