Government Technical High School Thantlang on khawhnak ding caah VicePresident U Henry VanThio Henry Jessepa

Government Technical High School Thantlang on khawhnak ding caah Vice President U Henry VanThio Henry Jessepa nih biatak tein an kan chimrelpiak ruangah 2018-2019 in Sianginn saknak Budget thlaakpiak a rak si,asinain PAE Rate a tlawm tuk ruangah Amah lila nih a kan chimrelpiak tthan caah PAE Rate kaiter asi.

GTHS Thantlang PAE rate a kai bantukin 2019-2020 Fiscal Year ah Chin Ramkulh chungah Ministry of Education tang ummi Sianginn/Department Innlo saknak Budget vialte caah PAE Rate a kai viar. Mi pakhat thawng, Sa pakhat thawng” ti phungbia bang.

Vice President U Henry Van Thio nih hi Sianginn saknak hi voi 3 a zoh cang i Ministry of Education i Union Minister hi Voi 2 a ratpi cang. Cucaah Budget tlaakning a rannak asi i 2020-2021 Fiscal Year ah GTHS Thantlang sianginn on khawhnak ding caah innlo saknak, lam le sul sersiamnak cu ai liim cang lai.2021 Kum thok cun Skill Development caah Short Course Training pawl asimi:1. Carpentry 2. Masonry 3. Motorcycle Repairs

4. Brick Laying 5. House Wiring and Installation. Hi hna pawl hi awn khawh kan zuam hmasa lai. Sak lio cuahmahmi Innlo hna hi Cacawnnak inn dot 3 (Sing 9000 leng)Workshop pakhat Sing 4900), Cachimtu/Zungruanttuantu umnak inn 2 Sing 7400  Sianghngakchia umnak inn 2 innkhat ah Sing 6000 man hi 2020-2021 Budget in sak ding liim cun Sianginn on khawh asi cang lai. High School a kai i a awnglomi pawl Engineer si khawhnak sianginn asi.GTHS Thantlang Sianginn cu Thantlang-Hnaring lam, Laipawnglung un Meng 2 hlaatnak Pawhterawn TT Peng No.2 Constituency ah a ummi si . Budget thlaak nak ah fonh khawh si.
Credit-Tluang Za Thang

Be the first to comment

Leave a Reply

Your email address will not be published.


*