Good News :China ram in vawlei cung ramkip ah meikang bang a lawn mi Covid-19 pulrai zawtnak cu US ram ko nih hin a tuar khun ko rua.

Good News :China ram in vawlei cung ramkip ah meikang bang a lawn mi Covid-19 pulrai zawtnak cu US ram ko nih hin a tuar khun ko rua. Chin mi chung zong in kan theih tawk ah pathum-li nih nunnak tiang liam in an tuar ve. Cu pulrai sii cu an ser chuah khawh cang i a min ah “Pfizer-BioNTech COVID-19 Vaccine” tiah an auh i US ram Chin mi kan tambik nak Indianapolis khua zong ah Dec 14, 2020 Monday khi a phan ve cang la ee tiah Citizen nih nihin ah thawng a kan thanh. 

“Pfizer-BioNTech COVID-19 Vaccine” sii cu voi 2 chunh a hau lai i ni 21 dan in liang ah chunh si la ee tisi.Mizaw thlawp tu hna, kum 65 cung tar pawl hna le Covid-19 in a zuarhma mi kan chunh hmasa hna la ee ti si. Wall Street journal nih a tial ning ah cun President Trump nih hi sii cu “medical miracle” ti tiang zong in a auh i US mipi sin ah free in kan chunh hna la tiah a tial.

Tutan ah mah “Pfizer-BioNTech COVID-19 Vaccine” si cozah nih million 200 man hrawng an cawk rua.2021 kum hramthok lei khin cun zapi sin ah phakter khawh ding in cun an chim.Credit-Salai Cung Khenglawt

Be the first to comment

Leave a Reply

Your email address will not be published.


*