Gen. Min Aung Hlaing President A Chuak Ko Cem

2021 Cozah thar ah NLD nih Gen. Min Aung Hlaing hi President țhutdan an pek khawhmi asi.  Daw Aung San Suu Kyi he theihthiamnak le lungtlinnak an tuah khawh asiahcun Gen. Min Aung Hlaing hi President țhutdan pekding caah 85% lam a um.  Amah balte Gen. Min Aung Hlaing nihcun cuhlan a minmen Presidents pawl bantuk cu a duh lailo caah lungtlinnak tuah hi NLD nih an i ralring deuh ve lai tislah zumh a si.

NLD nih Ralkap he siseh Tlangcung Miphun Party le Kusale pawl he siseh hmunkhat ah rian țuan loahcun kan ram dothlengnak hi asi kho tilo tihi an theih tuk. NLD nih Ralkap le Tlangcung Miphun pawl he lungrual tein rian antuanți loahcun 2015-2020 bantuk thotho asi lai i Phunghram remhnak ah siseh Daihnak peace process ah siseh kaarhlan khawhnak lam aum lo ti zong NLD nih an theih tukmi asi. Cun ralkap he hmunkhat rian an tuanti loahcun kan ram Sibuaizi zong hi țumchuak a panh deuh lai. Aruang cu kan ram Sibuaizi 60% hi ralkap ngeihmi (UU PAING) tangah aummi asi.
Uu Paing Company Sibuaizi hi 2021 ah United Nations nih Sanction tuah an timh cang hna. Ralkap an thin a phang tuk cang. Sanction in a luatter khotu cu NLD cozah lawnglawng an si.

Gen. Min Aung Hlaing le Ralkap ca zongah USDP nakin NLD nih cozah a tlaihmi hi a țha deuh tuk. Ataktak ahcun Ralkap nih USDP Cozah țuanding hi an duh baklomi asi. A ruang cu tampi aum.  ICJ kongah siseh UU PAING kongah siseh Rohinya kongah siseh ICC kongah siseh USDP nakin NLD nih a bawmh khawh deuh hna lai. NLD cozah nih International (United Nations) sinah mithmaițha a hmuh deuh lai ticu Ralkap nih antheih tuk ve. USDP nih ralkap piahtana hi a phisin piak kho hna lai lo. Cuve bangin NLD zong nih Phunghram kongah siseh Peace process le Dothlengnak caah Ralkap thazaang an herhh tuk ve.

NLD nih ralkap a herh bantukin Ralkap nih NLD a herh tuk ve caah 2021 cozah cu phundang ngai asi te lai tiahh ruah cio asi. Gen. Min Aung Hlaing President a chuak kho cem. Kan zoh hna lai cu.
Credit-Israel Rolian Thawng

Be the first to comment

Leave a Reply

Your email address will not be published.


*