Fashion dawi ahhin Lai ngaknu nih Lai Tlangval an in tei deuh hna tiah ka hmuh

A Duai Kholo Mi Fashion:Hlan (nineteen oneteen) lio i Bahu – baisikup hmanh zoh awk a rak ngeilo mi kha mobile phone in movie phunkip kan zoh kho. Hezaling (snow white) hmanh thuh awk a ngei lomi kha Hollywood fidi pawl ttamhnak Lancome, Maybelline tbt kan hmang kho ve cang. Laikhal nute hmanh Korea fashion nawl cawng in hurk-aih le style kan hong thiam i ttamhmoih leiah kan tthangcho ngaingai. Lai ngaknu pawl nan i dawh, nan i sitaal vingvan cang.

Fashion dawi ahhin Lai ngaknu nih Lai Tlangval an in tei deuh hna tiah ka hmuh. I ttamh bak ding asi, sinain ttamh thiam cu a hau bak ve. Kan laipa cheu khat Korea fashion sitaal in, sam rong sen-eu, aihre-duk i thuh, sam pirter, hmai-vun tleu nawn, arsik pawt nawn mi hmuh cu thling a za kho taktak. Nan hmanthlak pawl rit dawnhnak ah a mak dingmi a tam ngai.

Unau, Puai kal lai, pumh kal lai ah thilthuam dawh, lipstick, make up, hair spray, perfume  rimhmui he zoh dawh tein na ttamh dih maw? Lungtling ngaiin thlalang naa bih hnu innleng na chuah ah khan a biapi tukmi ttamhnak na philh sual maw? 

Lenglang ttamhnak lawng nai rinh sual ahcun mualpho a fawi tuk. Minung cercawitu le duhnuntertu taktak cu tthi le hlawn, thuam thil an si lem lo. A tang i tarmi hna hi zeitik hmanh ah a duai kholo mi fashion cu an si. Mah hihi hngal bu tein khualeng chuak law “Dawh Tling” in naa dawh lai i pipu nih “tikhei remdawh” an timi na si lai.Credit-Lalbat Cinzah

Be the first to comment

Leave a Reply

Your email address will not be published.


*