Farrawn khuabawi CNA nih kawhmi kong

CNA nih kan khuabawi an kawhmi hna hi an pahnih in ka pa le veve an si. An kong ah ka lungre a thei. Thawngfiang theih duhah khua lei phone ka hei chonh hna. CNA nih an kawh tak ko hna. Khuabawi thar an kawh hmasa. Ahlan ah USDP a rak si bal caah ralkap he pehtlaihnak a ngei tin a lunghringmi an um. Cucaah na dirhmun kan chim tiah bia an hal a si. Anih nih ralkap he siseh, CNA he siseh ahleiin pehtleihnak a ngeih lonak kong, le khuabawi hlun ai dinh caah caan karlak khuabawi rian ai khinh chung bia a sinak a chimh hna. CNA lei nih ralkap he pehtleihnak ngeilo ding in ralrin an pek hnu ah him tein an kirter.

Cu hnuah khuabawi hlun cu an kawh ve. Anih tu cu khuabawi thar kong a hmuh ning an hal biatu si dawh a si. Atu cu an pahnih tein him tein an kir ter ko hna.

An caah nan lungre a thei cio. Nan dawt hna ti a lang. CNA lei zong nih thil poi ton hlan ah ahlankan in ralrin dingmi thil an chimh cia hna cu dawtnak an ngeih caah a si ko tiah ka ruah.Credit-Roben Lambik

Upat mi CDMers, Uknak hramhram lak in ram uk aa tim mi hna kuttang ah rian kan țuan kho lo tiah ralțha in atutiang Civil disobedience Movement (CDM) a tuah mi cozah rianțuan tu vialte upat nak kanin pek țhan hna.

Uknak hramhram in anlak nak cu thla thum a tling cang nan a tutiang ah CDMers pawl thawngin cozah rian pakhat hmanh an țuan kho lo .Cucu hi dohthlennak kan thawk in kan tei kha a si. Uknak țhalo a hram in kan phawk ding mi hi dohthlennak cu a donghtiang lungțhawng in kan doh ți hna lai. 

Mipi kan lung aa rual cun zeihmanh nih a kan tei kho lai lo. 
CDMers pawl mipi nih kanin dirkamh hna ,  mipi pumkhat kan si peng. Ramchung, ramleng kan unau pawl nih kan ngeih mi phaisa tete fonh in CDMers pawl upat peknak, dirkamh nak phaisa cu thla fatin pek a si. April thla cah zong upat pek nak laksawng phaisa pek a si cang.

CDM a tuah ko nan April thla caah mipi nih pek mi laksawng  a hmu rih lo mi nan um sual cun hika page Chatbox ah nan min, na rianțuan nak Department  chim in thawnghlat khawh a si . Kan i lawm. Upat nak he, Hakha CDM Support Team

Be the first to comment

Leave a Reply

Your email address will not be published.


*