Falam ah COVID-19 in Mai Lal Muan Kim mual a liam

June 16, Falam sii-inn ah COVID-19 zawtnak in aa thlop lio mi Mai Lal Muam Kim mual a liam, tiah kan theih.

“Lal Muan Kin hi kum 27 a si. June 5 ah khan COVID-19 in a zaw i June 16, 1:00 pm hrawng ah mual a liam,” tiah Falam hrambunh Chinland Herald News nih a tial.

June thla chung Falam OPD ah COVID-19 mizaw 98 hmuh an si cang i minung 5 an nunnak a liam cang. The Hakha Times

Malaysia, Australia le Yangon Chinmi Bawmhnak Ting 60 Man Mindat Ralzaam hna Sin ah Tluang tein a Phan.Malaysia, Australia le Yangon khuasa Chinmi hna cheukhat nih bawmhnak an pekmi ting 60 man thilri pawl cu Yangon hrambunh Cornerstone Baptist Mission Myanmar (CBMM) tawlrelnak in Mindat ralzaam hna sin ah tluang tein a phan.

Atutan bawmhnak pawl hi Malaysia khuasa Sami khuami hna (KCO), Australia Laimi cheukhat le Yangon Laimi cheukhat nih an pekmi a si.

An pekmi bawmhnak pawl cu CBMM nih a tawlrel i, SAC hnatlaknak in Mindat ralzaam hna sin ah a phan, tiah ttuanvo ngeitu sin in kan theih. The Chin Journal June 16, Yangon

Be the first to comment

Leave a Reply

Your email address will not be published.


*