Fa le chungkhar ah an ngam lo. Children like to run away from home

USA ah report an tial mi cu, 1.6 in 2.8 million ngakchia le mino hi ,nu le pa sin in kum fatin in an zam i, 91% hi hernak an tong ti asi. Hringtu tha lo nu le pa sin ah cun , fa le an ngam lo, hrincia le cawmcia fa thalo nih cun ,nu le pa ning an zahter, lung an fahter, lung an kuater ve. Nan fa le nih zei tin dah an nin ruah hna , na nu le na pa ca ah , nang fa tha na si ve maw, ruat ti tuah hna u sih.

Hringtu nu le pa hi ,fa le he zeitin dah kan ni pehtleih relationship awk asi tiah, tang cheu in tang 10 tiang siang inn ah kan chawng lo, biakinn zong ah kan rak cawng lem lo. Cuncacun, kan thei lo ,kan thiam lo, kan mawh lo.

Laimi a tam deuh, chungkhar cu nu le pa hi fa le he , i hoikomh zia kan thaim lo . Cucahcun ,fa le nih an duh mi le an duh lo mi an kan chim ngam ti lo. Cun ,kan dawt tuk hna ruang ah , kan duh lo mi maw, an cah atha lo mi maw , an tuah sual tik ah, arak in kan rak hna, kan kut in maw ,fung in maw kan velh hna tik ah , fa le nih an kan tih, an kan huat,an ni fahsak . Laimi cu, kan mah zong kan hngakchiat lio ah, mati khan rak tuah mi ngawt kan rak si cio hna.

Cutik ah, fa le inn ah an ngam ti lo, tliknak khua an khang, za lawn nak an kawl. Kei mah zong ka ngakchiat lio ah ,ka rak ton bal ve , ka raksi bal ve , cucacun ka theih tuk.

Nu le pa, fa le ker lak ah ,theihthiamnak a herh, i theihthiamlo misunderstanding rung ah , chungkhar hi a rawk kho. Kan duh mi si seh tiah ,kan ni chimhrinhnak ah ,kan duhlomi thil tu ,a cang kho ,kan tawng kho.

Bible ah, Pathian nih Adam.Adam.khawi ka ah dah ,na um tiah a kawl ,a hel. Pathian nih ,Adam a umnak a theih lo asi lo, Adam nih a hman mi a ka chim hnga maw ,ti theih a duh ruang tu ah asi. Pathian nih Minung sin in ,thil hman theih aduh cu, a dawttuk ruang ah asi, nu le pa zong nih fa le sin in, an ruahnak theih kan herh ve. Adam cu Pathian sin in aa thup, aa phung hrung, a sual tik ah a ning azak. Satan nih a rak hlen diam. Pathian nih a chimh mi a theithiam lo misunderstanding rung ah arak si.

Nu le pa nih kan fa le zei tluk in dah kan dawt hna kha , na hmurka in na chimh hna lo ah cun ,Satan nih a hlen hna lai, na sik hna tik ah, na chimh hrin hna tik ah, huat le rem lo ah na fa le nih an ruah lai. Cucacun zeitluk in dah na dawt hna, an zawn na ruah hna , tha Han seh ti na duh hna ,kha fiang te in chim hmasat hna. Cun, an duh mi le duh lo mi kha an nin chimh ve lai. Cu hnu lawng cu i theihthiam khawh i Caw piak khawh kan si.
Ca reltu vialte Pathain nih fiannak in pe cio ko hna seh. Siahernak he .Amen. Credit-Henry Henry

Be the first to comment

Leave a Reply

Your email address will not be published.


*