ENSF of Seattle, WA nih CNF/A Emergency Fund caah a tutiang bawmhnak a chuah cangmi phaisa cazin kan rak kuat/update hna. A hmasabikah na kan theihthiam nak lai, kan nawl ko hna.

A tang lei hi, Chinland Club Viber Group biaruahnak ah ENSF of Seattle, WA Emergency Fund kong he pehtlai in update ca ka kuatmi hna a si.Nan zate nan dam lio a si lai tiah zumhnak ka ngei. Salai Ngun Chan Kim @PaKim ka si. ENSF of Seattle, WA Committee aiawh in nan kut kan tlaih hna. ENSF of Seattle, WA nih CNF/A Emergency Fund caah a tutiang bawmhnak a chuah cangmi phaisa cazin kan rak kuat/update hna. A hmasabikah na kan theihthiam nak lai, kan nawl ko hna.

Tuan ah cun pu Zing Cung (Chairman of CNF/A) nih Seattle, WA lei a mah pumpak in a rak tlawm khawhhah cun, Chinmi Hakha Thantlang lawng silo in, chah lei thlang lei chin hritlai kan unau pawl zong Pu Zing Cung he ton biaruahnakah an rak chuah kho lai, mipi zong an lung a tho ngai lai i, bawmhnak thazang hoihna tamdeuh a chuah kho hnga maw tiah hnabeisai nak kan ngei. Pu Zing Cung zong nih a manh lo lio pi ah siaherhnak he a rak kan tlawn kho, kan I lawm tuk.

Nain, kan ruahnak btk in thil a kal kho lo, kan lung a tha lo ngai. Kan nih Seattle lei hi Laimi a bikin Hakha Thantlang kan tlawm tuk. Cu caah i kan thazang a der ngai ko. Zeipaoh a si ah a tlawm tam ti lo in, kan si khawh tawk kan rak zuam ve ko ti tu in, rak kan theihthiam ko uh tiah kan nawl hna.

Cun, Seattle Chin Baptist Church Khrihfabu zong, mah bawmh halnak kong Khrihfa upa level in meeting voikhat an ngei cang i, hnatlak nak zong an ngei cang. Church Council meeting ah chuahpi ding in hna tlaknak an ngei. Church Council meeting cu a rauh hlan June thla chungah an ngei lai i, Church Council nih biachahnak a tuah te lai ti thawng ka von thanh chih duh hna. Mah SCBC Khrihfabu nih a kan hlutmi phaisa kan ngah hnu tu ah a zapi fonh in treasurer sinah kan rak kuat te ko hna lai tiah thawng kan thanh hna.

Miphun le Ram caah rian nan tuannak ah Pathian tu nih van thlachuah le lei thlachuah in pe ko hna seh.Ka lawm, Salai Ngun Chan Kim @ Pa Kim Secretary ENSF of Seattle, WA

Be the first to comment

Leave a Reply

Your email address will not be published.


*