EAO he i bawm in hmunhma kan laak lai, tiah Minister Dr. Zaw Wai Soe nih chim

Ethnic Armed Organizations (EAO) ti mi Tlangcung Hriamtlai hna he i bawm in CDM thazaang a thawn deuhnak hmun hna ah Cozah ti mi a tlin nakhnga kan cawlcangti lai i hmunhma kan laak lai, tiah Union Minister Dr. Zaw Wai Soe nih a chim.

“Cozah ti mi biafang he aa tlak in NUG nih ukhruainak, biaceihnak, phunghram sernak le runvennak tibantuk um a herh bantuk in hmunhma (ram) zong um a herh. Cucaah, CDM a thawn i hriamtlai an thawnnak hmun (khua pawl) cu kan laak hna lai,” tiah Dr. Zaw Wai Soe nih a chim. DVB The Hakha Times

π‘ƒπ‘Žπ‘‘β„Žπ‘–π‘Žπ‘› π΅π‘–π‘Ž :  π“Μ£π‘πšπ°π§π  𝐔 π‹πšπ° 𝐍𝐚𝐧 π‘πšπ₯  π“Μ£π‘πš 𝐊𝐨 𝐔 ! Assiria siangpahrang  Sennakherib le a ralkap hna nih siangpahrang Hezekiah le Judah mi hna cu doh dingin an rak hnawh hna i, a phunphun in an hrocer hna.

Cutikah siangpahrang Hezekiah nih profet Isaiah a sawm i Pathian sinah thla a cam. β€œBawipa kan Pathian, vawlei cung pennak vialte nih nangmah lawnglawng hi Pathian na si kha an hngalh naklai, amah kut chung hin kan khamh ko tiah kan nawl β€˜β€™ tiah  thla a cam.

Cun siangpahrang Hezekiah nih Judahmi hna cu; “αΉ¬hawng u law nan ralαΉ­ha ko u. Assiria siangpahrang le a sinah a ummi mibu cu αΉ­ih hna hlah u law nan lung zong dong hlah seh; zeicahtiah a ngan deuhmi pakhat a sin i a um lomi kan sinah a um” 2 πΆβ„Žπ‘Žπ‘›π‘Ÿπ‘’π‘™π‘›π‘Žπ‘˜ 32:7

β€˜β€™Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. 2 πΆβ„Žπ‘Žπ‘›π‘Ÿπ‘’π‘™π‘›π‘Žπ‘˜ 32:8

Pathian nih Hezekiah thlacamnak le bawmhhalnak cu a theih caah a vancungmi a run thlah i Assiria ralkap hna cu   185,000 a va thah hna. Cucaah Assiraia siangpahrang cu an ram lei ah a kir than.

Cuticun siangpahrang Hezekiah le Judahmi hna cu Pathian nih an ral cu a tei piak hna. Pathian nih a kan umpi i kanmah lei a αΉ­an ahcun zeihmamh αΉ­ih ding a um lo i, teitu kan si ko lai. Bawipa nih sunaprnak co ko seh! Amen.Credit-Sang Nawl

Be the first to comment

Leave a Reply

Your email address will not be published.


*