Dr. Sasa le US State Department Assist. Secretary Tonnak an Ngei Lai

Tu zaan ah Myanmar caankarlak cozah NUG in Dr. Sasa le US State Department Assistant Secretary Carrie Cabelka cu Myanmar ram kong he pehtlai in ton biaruahnak an ngei lai, tiah kan theih.

Dr. Sasa nih, “Tonnak hmun ah US le a hawile ram hna he atulio Myanmar ram ah a cangmi tuksum uknak hi zeitindah kan dihdonghter lai timi le Myanmar ram ah Federal Democracy uknak le remdaihnak zeitindah kan tlunter tthan lai timi kong pawl ceihmai a si lai,” tiah a Facebook ah a ttial.

Tonnak hmun ah NUG lei in Dr. Sasa, Union Minister pakhat le Deputy Minister pakhat tiin an i tel hna lai, tiah theih a si. The Chin Journal May 11, Yangon

Hakha Ralkalp Uknak Duhlo Lamzawhnak Tlamtling tein an Lim.Nihin May 11 hi SAC ralkap nih Myanmar ram uknak a chuh ni 100 tlinnak a si i Myanmar ram hmun tampi ah thazaang tam ngaiin ralkap uknak duhlo lamzawhnak an tuah cio hna.

Hakha khua zong ah mino pawl lam cung chuak in lamzawhnak an tuah i, SAC palik le ralkap lei khenkhamnak um lo tein lamzawhnak tluang tein an lim khawh.

Hakha khua ah SAC ralkap le palik nih luh hnawh le tlaihkhih a tam ngai nain May 2 le 8 zong ah lam cung chuak in mino pawl nih lamzawhnak an rak tuah.

Burmese စစ်တပ်အာဏာသိမ်းရက် ၁၀၀ ပြည့် ဟားခါးမြို့ လမ်းလျှောက်သပိတ် စစ်ကောင်စီ အာဏာသိမ်းတာ ရက် ၁၀၀ ပြည့်တဲ့ ဒီနေ့ မေလ ၁၁ ရက်နေ့မှာ ဟားခါးမြို့ လူငယ်တွေက စစ်အာဏာရှင် အလိုမရှိကြောင်း လမ်းလျှောက်သပိတ် ပြုလုပ်ခဲ့ပါတယ်။ The Chin Journal May 11, Hakha

Be the first to comment

Leave a Reply

Your email address will not be published.


*