Dr. Ngun Cung Lian zong CNF he an sinpi lo i Kawl ralkap leiah a mer ve ko

Minung phung a simi cu khatlei he a sinpit lo ahcun mah cu kaltak in a dang khatlei bu le minung he i fonh a si/i komh a si/i pehtlai a si. Khrihfa bu zongah mah bantuk phun hi a tam ngai. Member sinak Khrihfa bu he a sinpit lo ahcun a dang Khrihfa bu ah i thial tawn a si.

Dr. Ngun Cung Lian zong CNF he an sinpi lo i Kawl ralkap leiah a mer ve ko. Levi Sap Nei Thang zong US ram ummi Kawlram mi nih faktuk in an tuahto i miphun danglei ah i mer ve dawh in a um cang. Mah an buai deuh hlan cu Kawlram buainak kong zong hehtiah a facebook ah a post lengmang nan atu lawlawse cu Kawlram kong zong a post ti lo.

Kawlram mi cungah a lungrawk tuk ve dawh a si. Kawl ralkap lei hna ah a ttang te ve men lai. A mawh lo, minung kan phung a si ko. Africa lei tuk ah bawmhnak pek lengmang dawh in a um cang. Hi bantuk pawl hi rak mawhchiat thlu ding an si lem lo. Aruang cu an tonmi bantuk khi tong ve u sih law kan si ve ko lai.Credit-Van Tum

Mindat ah Naypyidaw in aa Thawhmi SAC Ralkap Helicopter Pahnih an Phan.Mindat khua kahdohnak a fah hnu ah Naypyidaw in SAC ralkap helicopter pahnih an rak i thawh i atu ah Mindat khua Van ah an zuang cuahmah, tiah Mindat zatlang bu lei rinattuan pakhat nih a chim.

“Helicopter pahnih nih Mindat khua an vel i an zuang cuahmah,” tiah a cunglei upa nih a chim.

Mindat mipi uknak lei bu thawngzamhnak nih, “Nichuahlei ah palik sakhaan zawn in le Nitlaklei ah SAC ralkap bu no. 274 nih CDF-Mindat an doh hna,” tiah atulio Mindat thil sining a langhter.

SAC ralkap lei nih Sniper le miakpi pawl an hman caah CDF lei hliamhma a pumi pawl khulrang in bawmhchanhnak an tuah khawh lo pin ah mipi nunhimnak ca zong ah ttihnung a si cang, tiah an langhter chih.The Chin Journal May 14, Hakha

Be the first to comment

Leave a Reply

Your email address will not be published.


*