Dr. Ngun Cung Lian nih a chim atam pah caah amah chuah pimi asi lai tiah ka zumhnak asi.

Ralkap le atu SAC phu hruai mi UEC nihcun Proportional Representative system ning in thimnak tuah le vote hmuh an duh.

Proportional Representative system hi afawi nak cun vote kha a buaktlak in i thenh phawt khi asi ko. Party pakhat nih landslide in teinak um loin a buaktlak in i thenhphawt kha an duh.

Hi Proportional Representative system hi Min Aung Hlaing le atu UEC nih an hman bal mi asi lo, cun an hngalh bal mi si zong ka zum lo.

Hihi Dr. Ngun Cung Lian nih kawlram ah a chuah pimi asi ka zumh.

Hi,Proportional Representative system hi ralkap le USDP nih an uar khun. Aruang cu mipi nih an dirkamh hna lo caah landslide in sungh ding kha an,duh lo caah vote thenh phawtnak ding lam an kawlnak idea asi.

Hi kong hi Dr. Ngun Cung Lian nih a chim atam pah caah amah chuah pimi asi lai tiah ka zumhnak asi.

PR system hi Democracy uknak he aa kalh. Zeica kan ti ahcun mipi nih kan duh mi, kan zumh mi hna kha zalong tein kan vote hna. Cu kan vote cu kan vote mi nu/pa le party ca bak asi.

Hi PR sysytem cu hluttaw ah ralkap 25% hna caah lamtha sial piak bak asi. Zeica ti ahcun duh zong duh lo zong ah 25% kha thutden pek cia an si. Cu tik ah anmah ralkap thutden 25% chung in PR system tuah loin party cung lawng ah PR system kha an hman lai caah athawng bik ding mi cu ralkap 25% kha an si cang lai.

Cu caah hi Proportional Representative system hi Dr . Ngun Cung Lian nih kawlram ah a van luh pimi asi ko lai. Aluh pinak aruang cu hluttaw ah ralkap 25% hna nih caan tha le teinak an hmuhnak ding lam a kawl piak mi hna system asi ka zumh. Credit-Lai Ram Laipa

Ralkap dohnak hriamnam lak ah laiser meithal ka duh bik.1. Ralkap meithal cu kuan khat milu pakhat lawng athah khawh, abik in nganh sual afawi.

  1. Lai meithal cu kuan rual / kuansop rawn khawh asi. 4.8 zenthong cu kuan 30-40 kar a um i meter 200 tluk kah ahcun pe 5 sq kau in kuan a kal/sarh i nganh mi nak in khen mi atam deuh.
  2. Ralkap kuan fang hman mi hi suan lak ah anembik suan asi. Minung le saram caah cun hmual fak ngai nain lai meithal caah hman tawn mi suan thlet mi kuan a tluk lo, cucaah ralkap meithal kuanfang nih khin Datsi tank hmanh khi apemh kho lo,asinain lai meithal hman mi suan kuanpi nih cun fawite in a pemh khawh.
  3. Ralkap meithal sniper dah tilo cu voi tam deuh kah tik ah a lin deuh deuh i akah a dik lo deuh deuh, ahmual zong pin lo deuhdeuh.
  4. Cucaah laimei thal hi ralkap kahnak ah ahmual fak pin ah nganh atlawm caah lai meithal hi ka duh deuh.
  5. Cozah ser mi zen hi puah tik ah meikhu a um lo tluk asi. Cu bantuk in a hma fah ning tuur a tlawm tuk.
  6. Lai zen cu a hma fak i atuar ahar. Zei cati ahcun kas tampi cawh mi zen asi caah a hma fah ning tuur hi tuar ahar.
  7. Ramsa hmanh nih lai zen cu an celh lo. Ramsa na kah mi athih lo ahcun va dawi hmanh, na hliamh mi ramsa khi tiva kuang lei peng ah a kal lai, tiva kuang aphak in ti adin lai i tlawmpal ah athi lai. Lai zen in hliamh mi sa nih an celh lobik mi le an,i thih pinak hi kas cawh mi zen tuur fah ruang tihal celh lo in asi. Aruang cu lai zen in hliam mi sa le minung nih hin tihal an celh lo bik. Cu ruang ah meithal in aa hliam sual mi hna nih hin zeidang nakin an tihal an celh lo deuh. Cutik ah lai zen in hliamh sual mi hna cu dinti an pe hna lo, aruang cu an din khawh bak in an thi tawn caah asi. Cu laizen ah kan hman mi kas hi mei hma afah tertu le tuur ngan taktak aa tel mi asi caah asi.

Cucaah ralkap dohnak ah hin lai meithal le lai zen tluk in ka duh mi an um lo. Lai Ram Laipa

Be the first to comment

Leave a Reply

Your email address will not be published.


*