Dr. Ngun Cung Lian cu US rammi sinak lak piak than dingin an nawl ko nain US cozah sin ah a phan lo

US citizen sinak le Dr. Ngun Cung Lian.Dr. Ngun Cung Lian cu US rammi sinak lak piak than dingin an nawl ko nain US cozah sin ah a phan lo. Mi tampi nih US nih a kong ceih seh ti cu kan duh dih ko nain cucu a har ngai mi thil a si.

A ruang cu US citizen mi sinak in chuah le hlawt timi hi thil fawi a si lo. US ram chungah buainak maw, US constitution he pehtlai in nawl a buar dah ti lo ah cun rammi sinak in hlawt khawh a si lo. Ram dangah sualnak a va tuah sual si ah cun a sual a tuah ram nih an ngeihmi phungning tein dantatnak pek khawh a si.

Tha tein kan ruah thiam a si ah cun a tuhi Dr Ngun Cung Lian hi Myanmar rammi sinak citizen lak cang sehlaw thei lo a si. Credit-Chin Morning Star News

Ngeih Lo Awk Țha Lo Jesuh:Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si Jeim 1:18.

Minung kan nunnak caah kan herhmi thil hi a tam kho taktak, chim cawk ding hmanh a si lo. Cu a tam kho taktakmi nakin kan herh deuhmi le kan herh bikmi cu Jesuh Khrih a si. Kan nunnak ah ngeih lo awk țha lomi cu Jesuh Khrih a si.

Kawl nih an holhnak ah “Nupi cu ngeih lo ah a țha lo, ngeih ah le a țha lo” (Mingmah di ma sih ma kaung sih ma kaung) (မိန်းအသည်မရှိမကောင်းရှိမကောင်း) an ti. Sihmanhsehlaw Jesuh Khrih cu ngeih lo awk țha lomi a si. Jesuh Khrih ngeih lo ahcun a țha lo i thihnak a si. Jesuh Khrih ngeih ahcun nunnak a si.

Vawleicung thilri le chawva cu na ngeih lo zongah a poinak um lo. Jesuh Khrih na ngeih paohpaoh ahcun zeizong te ngeitu na si ko. Zeicahtiah Jesuh Khrih ah zeizong te a tling. Cucaah cun hi vawlei ah hin zeihmanh a ngei lomi sifak santlailo te si ko hmanh usih law Jesuh Khrih kan ngeih ahcun mirum kan si. Lei rumnak he van rumnak he a ngeitu kan si. Jesuh Khrih ngeih ahcun hna a ngam ko e maw hawi dawt.

Pathian nih a sermi thil vialte lakah minung hi cungnung bik ah a kan ser, nain Jesuh Khrih cu kanmah nakin Cungnung Bik a si. A kan dawt i nang le kei kan caah a nunnak zong a pek. Cucaah zeizong vialte nakin kan duh bik ding le kan dawt bik ding le kan nunnak caah ngeih lo awk țha lomi cu Jesuh Khrih lawnglawng hi a si ko.Bawipa nih thluachuahnak kan pekpiak ko seh.Salai K. Biak Lian Thawng

Be the first to comment

Leave a Reply

Your email address will not be published.


*