Dr. Lian Hmung Sakhong zong nih 2008 le NCA cu ralhrang lila nih an tuarsernak in an thah cang tiah a chim.

Big Question Kan Ngei Rih.Ralhrang nih zohchia in mipi an kah hna, an tuk an den hna, an thah hna, an hrem hna, thong an thlak hna.CRPH nih ralhrang ralchanh in dohnak le thlaknak phunphun rian an tuan i cozah thar ser ding tiang in kar a hlaang cang. Ralhrang cu an sining dihlak in dotla lo ah a ser dih cang. Thah dih ding lawng te an si cang.

Dr. Lian Hmung Sakhong zong nih 2008 le NCA cu ralhrang lila nih an tuarsernak in an thah cang tiah a chim. Cucaah zeiruangah dah NCA hi an hngihnganh peng rih timi hi ka thei kho lo. Ral kan tho cang ti phuan zong an duh lo. KNU le KiA dah ti lo!

Ralhrang thlak ding in timhnak an ngeih lo caah maw si ti zong ka fiang kho rih lo. CDM cu thazaang an pek ngai fawn i CDM lawng nih cun tlang a kan phak pi lai lo ti zong an theih ko.

Atu tiang CRPH karhlaan ning zoh tikah zong Federal lam cu an ser i telhmi zong an um hna i telh lomi zong an um hna. Kan kal aa rual fawn lo. Question biapi hal ding an um len.

Atu ahcun a biapi deuhmi question cu ngeih caan a si lem ti lai.Kan ngeih dingmi tu cu zeitin dah mipi leiin thazaang kan chuah cio hna lai timi zuam caan ding ah ka ruah cang.

Khatlei in Taluk nih kan ram mipi thisen le nunnak naak in a zinaan le gas pipe kongah a zai peng hoi. Huat a tlai i thin a hung. A ngaingai ti ah cun Taluk ruangah Asian miphun dang tiang in huat le thleidan kan tong cang. A zinaan le gas pipe khi puahpiak lawlaw hna seh law a tha tuk hnga.

Mipi a kan thattu ah aa tel bakmi an si. Cun ralhrang nih kahngolnak kan tuah lai tiah a thanh than. Mipi a thah rih hna. A duhning poah in a kan tuah i thui a kan timh peng.Lungawtawm caan si lo. Ralhrang thlak caan a si cang. Decision tuah palh caan si lo.Credit-Luther Tin Hre

Adang relthan: Media Sinah Lung Um Bia .Upatmi kan Lai miphun chung in Media akan tuan piak tu hna, media nan kan tuan piakmi cungah upatnak kan pek hna. Nanmah thawngin thawngpang chia he tha he kan theih kho i lawmh a um hringhran. Hi nak tha in kan zuam piak chin rih hna uh.

Khat lei kamah Media nan sinah ka lung siaherh bia vun langhter ta ka duh. Cucu media nan si bantukin thawngpang le thil sining nan zamh tikah thawngpang fiang te le thil sining nan hlat i a fiang bak, a dik bak nan tihnu lawng ah thawngpang hi kan zamh kho ulaw a tha khun lai. Atu lio hoi cu kan ram a buai lio asi tikah thawngpang fiang hauha lo le thil sining dik nan hliah lem lomi hi cu rak kan ralrin piak deuh ko uh tihi keimah ka lung siaherh bia cu a si. Media nan si bantukin thawngpang zamh cu nan rian asi bantukin thawngpang dik le fiang in nan khuhhliah hnu lawng ah thawngpang hi rak kan zamh uh tiah kan nawl hna. Mah lo cun mi lung kan fahter sual lai.Upatnak le siaherhnak he by-John Ceu Mang
USA, Indianapolis

Be the first to comment

Leave a Reply

Your email address will not be published.


*