Donald Trump hi zei ruang ah dah zumtu nih kan ttanh?

Donald Trump hi Politician asi lo. Political language hman ah cun lamkam minung men men asi ve ko. Asinain prophet nih an chim bantuk in Cyrus bantuk in vulei cung chantiluan nih a fenh dih cang mi system vialte let thal dih tu ding ah Pathian nih a van i thim mi asi i Bulldozer bantuk in ka hman lai a rak ti bantuk khan minung menmen aho hmanh an mithmai zoh lo in rian a ttuan cu zapi te nih kan hmuh dih mi asi. Amah party chung hrim hrim nih ttanh tu a ngeih lai lo mi zong hi chim cia le phuan cia dih mi asi. Amah lawng in Vulei pumpi doh ding le Pathian duh ning system ah chiah tthan khawh ding ah fial mi asi bantuk in hi vial te thil a cang mi lak ah tam pi a tuah khawh taktak. President nih promise an peek mi a tuah taktak mi cu amah hi asi.

Zapi zaraan nih cun abiachim le a holh rel, a umtu le aziaza men hi an zoh i cuticun judge an tuah men ko hnga. Asinain a chungmuru taktak i ai thup mi God Identity hi hmuh khawh i zuam chih a hau mi asi. Thir a neem tuk mi in zei hmanh kan kalh khawh lo bantuk in Donald Trump bantuk mi thinlung khohcho le mimung mithmai zei i a rel lo mi hrim hrim hi tuchan thil umtuning alet thal kho tu ding ah cun a herh hrim hrim mi asi. Amah personality hrim hrim Leadership personality timi mi huham ngei, mi hrokual asi i vulei pumpi a kal pi tu ding ah cun hi bantuk personality hrim hrim zong hi ngeih a herh mi asi.

Mi cheukhat nih a nun ah Christian value kan hmu lo, ruru hranghrang in bia chim mi zei ah a rel lo tuk an ti i a muru i Pathian nih a thuh mi Christian value taktak an hmuh khawh lo ca tu ah asi. Cucu zeidah an si?

Pathian nih a huat cem mi thil kha faak pi in adoh i modern culture timi multiculturalism (Diversity) or Color Revolution kha a chaak in a rengh dih tthan khawh hna i a dir pi tu phung le hram zong a kan chah piak dih khawh. Biaknak hruaitu le Pastor te holh ngam lo i a hreng tu phung hram vialte a phoih dih i Biaknak zaleen nak a um ter tthan.

UNO siseh, NATO, siseh, China siseh vulei cung Beaurocratic system i akan hreng dih tu pawl zong a herh ning in a chah dih i Zumtu hna nih kan sunhsak bik mi le zumhnak hram kan bunhnak Zisu Khrih khua le ram asi mi Jerusalem cu Israel ram khualipi ah a ser tthan. Hi hi a ho hmanh nih an tuah ngam/khawh ti lo ding mi vulei thluachuah kutka a hon mi asi.Ralhrang aphun phun (ISIS, Alqaeda, Taliban ) vulei pi ningtti i a kan chia tu vialte um hmun ah a kan phum piak dih hna.

America ram chung ca i rian a ttuan mi nak in vulei cung pumpuluk ca i a ttuan mi hi a lian ngan i a pical deuh i mah bantuk thil ti khawhnak ding ah hin lungkhohcho, hringhrochia, bulbultantan i a rak um mi te hna hi Pathian nih a herh ati i a peek mi character lawng te an si i mah hi ruang ah Khrihfa taktak asi hnga maw ti i a soiseltu zumtu hna nan/kan um ah cun kan lung fim ve cang seh.

Asinain a tei khawh bak lo mi a um ve i cucu Media ral hi asi. Prophet cheukhat nih an chim bantuk in Antichrist hriamnam ttha bik cu MEDIA hi asi taktak. MEDIA nih indirectly in Vulei pi hi a uk i a pen cuahmah cang. Atu Donald Trump ca i khuakhan Lairel mi a kham tu a tei tu cu Media hi asi. Hi Antichrist Weapon asi mi Media war a tei kho tu cu zumtu hna thlacamnak lawnglawng asi ve cang.

Cu ruang ah hi bantuk prophetic vision a ngei mi cu atu lio hi chunchun zaanzaan in thla an cam, an cam cuahmah i an cam cuahmah rih lai. Kan Bawipa Zisu Khrih nih Pa orh lei kam in mi vialte caah Intercession akan tuah piak cuahmah bantuk in akan tuah piak mi a tlam a tlin khawhnak hnga ding ah Intercessasory prayer team ah kan rak i tel cio a hau. Vulei pennak diversity war caah miphun tling nih coloful revolution an tuah bantuk te in Intercessory Prayer team ah hin vulei cung minak mirang misen an tling khitkhet ve. Ai fiang ve mi hna cu zei hmanh nih a dawn ve hna lo.

Vulei bawi cu Vote kan peek hna i kan tlin ter tawn hna. Vaan lei Bawi ca i Vote cu zumhnak he thlacam hi asi. Thlarau lei mit khua a dei mi pohpoh cu Donald Trump caah thla an cam dih ko lai. Donald Trumh ca i thla a cam kho lo mi zumtu kan si ah cun kan zumhnak kan i chek a hau. Kan i chek hrim hrim a hau. Thla kan cam ve ko ah cun sungh le awn kong ah buai ding a um ti lo. Donald Trump ca i thla a cam taktak mi na si ko asi ah cun Teitu lak ah Teitu na si ko. Zei caah ti ah Bawipa Zisu zong nih kei ka pennak cu Vulei ah asi lo arak ti bantuk kha asi.

America i thimnak hi vulei cozah thimnak men men asi lo. Efesa 6 ah kan hmuh bantuk in.Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u. Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si. Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.
Credit-Salai Bawiukthang Cinzah

Be the first to comment

Leave a Reply

Your email address will not be published.


*