Dodalnak lamthluan ca ah Timhtuahnak

Vawlei tuanbia ah hin ralkap nih hramhraam in uknak an chuh tik ah cu sahrang uknak dodalnak ah mizapi nih lakhruak in an tuahmi khuatlang cawlcanghnak hna zei tluk in dah hmual a ngeih ti hi khuaruahhar a si. Cu kong cu, 1920 kum lio ah Germany ram, 1961 kum lio ah France ram le 1991 kum lio Soviet Union ram hna ah an rak timhmi hramhraam in uknak chuh timhnak hna ah hin hmuh khawh a si.

Asinain, a hlankan tein timhtuahnak le khuakhannak a um ahcun hmual a ngei deuh lai ti cu a fiang. Timhtuahnak le khuakhannak ngeih kha a hlankan in tuah cia ahcun zei tuah awk hngal lo in lungawṭawmnak, sahrang lei ṭang pawl nih dohṭhannak le tinhmi caan te ah cawlcanghnak tlolh tibantuk kha hrial khawh a si. Cun, a hlankan tein timhtuahnak le khuakhannak ngeih ahcun tinhmi rian tlolhmi a tlawm deuh. Kap dang in zoh ahcun, ralṭha tein a cawlcangmi mizapi nih tuahmi sahrang uknak dodalnak hi timhtuahnak hna le lamhmuhsahnak hna nih thazaang a ṭhawn ter khun. Zei caan ah zei tin dah kan cawlcangh lai timi lamhmuhsaknak hna nih hin mizapi le khuatlang phu hna kha zeibantuk sahrang uknak poh dodal ding in a timhtuah hna lai.

Cubantuk timhtuahnak ahcun dodalnak ca i tuahmi a tungtlang hna le cozah rianṭuanmi hna, biaknaklei hruaitu hna, palek, thawngzamhtu hna, tlunkalnaklei rianṭuanmi hna tibantuk bu le phu hna nih tuah dingmi ṭuanvo hna zong an i tel awk a si. Cubantuk i sahrang uknak dodalnak ca ah timtuahnak le khuakhannak hna hi tuah khawhmi rian a si ko. Sahrang uknak dodalnak a thoktu le a pehzultu hi cozah a silomi khuatlang phu le bu hna he ṭangṭi in tuahmi cozah an si ah siseh, mah kutke tein a dirmi khuatlang phu le bu hna an si ah siseh lai a reltu cu ram chung i ramkhel sining le khuatlang zei tluk in dah an thazaang a ṭhawn ti le zei tluk hmual ngei in dah an cawlcangh timi hna hi an si.

Gene Sharp, The Anti-Coup Harnak le dawnkhantu tampi ko hna hmanh seh kan i tinhmi kawlrung zoh in kan sikhawhnak zawn cio in thazaang chuah lengmang hna u si. Hi sahrang rual hi kan tei hrimhrim hna lai! By-A Ruang 30/03/2021

Be the first to comment

Leave a Reply

Your email address will not be published.


*