Denmark ramah Mink Saihrem vialte thah dih ding in tu zaan ah Cozah nih nawl an chuah cang.

Vulei cungah Saihrem a zua a tamcem 1,2 nak asi Peng mi Saihrem vial te cu Covid-19 an ngeih ruangah le Covid-20 kan ti lai maw virus dang an hmuh than ruangah rianrang in Cozah ton nak an ngei i thlaici ca siseh pakhat hmanh zuah lo in thah dih viar ding in tuzan in nawl an chuah cang.

Hlan deuh ah cun Minkfarm Campany  a ngei mi hi 1500 an si tawn na in kan hnu kum 3 hrawng Khan a man a talk tuk caah tuni tiang ah fram 1080  lawng a um cang i 17 million mink hrawng hi Denmark ah a um.

Saihrem hi a saa an ei loh an hlonh dih a phaw lawng lak a si angki ah hman a si bik Denmark Cozah nih hin phaisa ahmuh ngai nak pakhat a si ve Tuluk nih hin 85% hi an cawk tawn.
Hi Covid-19 hi phun 5 in phun 7 hrawng a si ti a si a bik in an thah dih nak a ruang cu minung 12 sin ah zawtnak thar an hmuh ruangah a si bik.

Kan hnu zarh chungah Norway lei kam Norjyland lei ah khin minung 783 Covid a ngei mi chungah zatceu bak hi Saihrem nih ngeih mi Covid he ai khat ti  a si a a karh a rang ngai ngai fawn.

Nihin tiang ah fram 1080 chungah farm 207 ah Covid an hmuh cang mah hlan cu fram pakhat ah Covid-19 an hmuh ah cun mah cu ka in 7,8 tiang paoh a ngei he ngei lo he thah dih a si na in a tu cu Denmark ram pumpaluk Mink vial te cu thah dih a si cang lai.

Saihrem hi kumkhat voikhat lengmang thah i a phaw hawh an si tawn cucu November 7,8 hin an thah i Nov thla chungah hin i lim dih a si tawn na in a thah caan a phak lai ni 2,3 a duh ah Cozah nawl chuah nak in thah viar ding ti a si ko.Credit-Chan Thawng

Be the first to comment

Leave a Reply

Your email address will not be published.


*