Democracy ram kan si rih lo nak Aruang paw.

A biapi ngai in ruah a herh taktak mi a um
Kawlram hi democracy ram taktak kan si rih lo caah zeitin dah democracy ram ah kan ser phak khawh hmasa lai ti hi biapi ngai in ruah cikcek a hau.

Democracy ram kan si rih lo nak Aruang paw.Biakhiahnak a biapi mi vialte hi National Defence and Security Council NDSC ah chuah pi a si. A bik in phunghrampi le upadi aa tlaimi remh ding paoh cu NDSC ah chuahpi a hau.  NDSC hi phunghrampi upadi pohmah (section) 201 ah minung 11 ah ser ding, cun cu chung ah auto in ralkap nih hmun 5 an lak cia.

Cu 11 hna cu (1)The President; (2)Vice-President; (3)  Vice-President; (4) Speaker of the Pyithu Hluttaw; (5)  Speaker of the Amyotha Hluttaw; (6)  Commander-in-Chief of the Defence Services; (7) Deputy Commander-in-Chief of the Defence Services; (8)  Minister for Defence; (9)  Minister for Foreign Affairs; (10)  Minister for Home Affairs; (11)  Minister for Border Affairs. Hi ah ralkap nih pa 5 an lak cia tik ah vice president 1 hi ralkap nih thimmi a si tik ah a biapi mi bia khiahnak paoh cu ralkap nawl in a kal ti hi theih a herh. Ralkap nih an kan uk rih, democracy taktak kan hmu rih lo.

Minister for Home Affairs le Minister for Border Affairs department tangah a biapi ngai mi palek (palek tang ah special bureau of investigation le special departments pawl pa 14, Mitat ah hin mei that lawng si lo in inn sak duh tik ah an mah permit a hau, thonginn pawl tbt in Border Affairs ah Ramri lawng si lo in taingyinta thangchonak နယ်စပ်ဒေသနှင့်  တိုင်းရင်းသားလူမျိုးများ  ဖွံ့ဖြိုးတိုးတက်ရေး  le education le training ပညာရေးနှင့်လေ့ကျင့်ရေးဦးစီးဌာန ti in tampi a then i an tlaih dih. A biapi mi pawl amah uknak tang ah aa chiah dih.

Union parliament ah 25% thutdeng an lak dih fawn. President hi a sang bik nawlngeihnak an pek ter nain phunghrampi pohmah 342 ah Commander-in-Chief – Ralbawizik cu anmah NDSC nih thimmi chung lawng in tamada nih rian pek ding an ti hoi. 343 ah adjudication timi ralkap pawl kha biaceih zung ah biakhiah tik ah hi Ralbawizik Kachoh biachah hi a dihdong siseh ti a si than.

GAD timi General Administration Dept- kawl in twai-oh kan timi Oh-choh-yi zong i a lu deuh deuh paoh cu ralkap in a thialmi le an train mi lawng te in a si i ralkap cung ah loyalty a um i ralkap zummi lawng te an si tik ah uk an har ngai i cozah maw ralkap maw aho bia deuh dik an ngaih.

Tial ahcun tampi a um nai a biapi mi biakhiahnak le uknak tam deuh cu anmah ralkap kut chung thiam thiam ah a um. Cucaah hihi pawl hi zei party le aho nih dah bia tak in a doh.

Ruah ding cu hihi pawl a do/fight lengmang mi le dothlennak a zuam cuahmah mi hi a dong sual lai maw? A dongh lo ding in nang lei kei ruat ta ve usih.Credit-Sui Hingz

Be the first to comment

Leave a Reply

Your email address will not be published.


*