Delhi Chin Refugee caah thawngthanhnak tawi (UNHCR le Community Representatives Meeting)

RSD Interview, New Asylum Seeker and Registration, UN Card Renew kong ah
Covid 19 zawtnak a karh peng rih caah UNHCR office an khar rih lai, a si nain a luancia Lockdown chung bantuk in an rianttuan ning cu aa pehzulh rih ko lai. A sullam cu, UN Sok zong online in a si rih lai, RSD interview zong face to face si loin phone hmang in a si lai. UN Card Renew zong email le phone hmang in a si lai i electronic system in cawlcangh le rianttuan a si rih lai.

A tawinak in chim ahcun “Remotely Service” Telephone le Email hmang in riantuan a si rih lai. Cu caah Ralzam nih theih a herh mi cu “UN Card Renew, UN Sok a duh mi, RSD Interview kong zong ah CRC fuhpanh peng rih ding a si lai”. Cun a dang buainak kong zong ah CRC nan fuh panh ahcun nan case kha fawi zaang tein UNHCR sin ah a phan lai i an zoh colh peng ko rih lai (Lockdown hnu Marc 2020 in nihin January 12, 2021 tiang an riantuang ning in an peh zulh rih lai).

Covid-19 Vaccination kong ahTuhla January 16, 2021 in India Cozah nih Covid 19 Vaccine chunh hram a thok cang lai. A sinain tutan hi mizapi caah a si rih lo. Thimhlei mi (Priority) an tuah i January 16 in an thok ding mi ah a tingco ding pawl hna cu “Healthcare worker, frontline staff (Doctors), Community health Worker le Police, Ralkap ti pawl an si hmasa lai, hi ah hin minung two crore hrawng an si an ti (Hi hna caah free a si lai tiah a chim mi asi.

Cun a dot 2nak ah an tingco ding pawl hna cu “kum 50 cung upa pawl le zawtnak tha lo deuh a ngei mi(co-morbidities), hi ah hin minung 30 crore hrawng a si lai an ti. Hi hi first phase an ti i a voikhat nak ah pek ding mi, a tingco ding pawl cu an si hna. Cu hnu ah a herh ning in Cozah lei nih
thawngthanhnak an tuah tthan te lai.

Hi ka zawn ah UNHCR lei in an chim duh bik mi cu ” Refugee le Asylum Seeker pawl zong, India minung bantuk tein Covid 19 vaccine nan tinco khawh ve nak ding ah kan i zuam cuahmah ti khi a si. A tlamtling cang an ti ruam rih lo. India minung nih free in a ngah ahcun Refugee zong free si ve seh, India minung nih phaisa an pek ahcun an pek zat tein, Refugee si ruang ah Vaccine pek duh lo, a hlei in phaisa cawi ter ti bantuk um hlah seh, ti mi hi kan i zuam mi cu a si, zei a lawh lai kan thei rih lo, thawng kan i thanh tthan te hna lai an ti.

Kum 50 cung minung le zawtnak chiahru deuh a ngei mi an pek hna tikah Refugee pawl zong kan tinco ve maw timi hoih in UNHCR zong ah kan chim tthan lai, a si lo ah an mah UNHCR lei nih thawng an kan thanh colh te ka zumh bik.A tawinak tein ka rak langhterSiaherhnak he .Credit-Salai Cung Dawt

Be the first to comment

Leave a Reply

Your email address will not be published.


*