Dave Leduc cu KOJI Community Ah Rian A Tuan Ve Cang Lai.

Kan theih bantukin Dave Leduc cu World Champian asi i vuak thiam taktak mi midang zawn a ruat thiam taktak mi asi. A mah hi kawlram ah um in kawlram caah ai thong cuahmah peng mi asi cu lawng hlah miharsa si hna seh tu kawlram buai ruangah harsaknak tampi a tongmi hna kha bawmhnak a pe lengmang tu asi.

KOJI cu vawleicung hmun kip ah miharsa bawmtu ngei lo pawl le a midang caah a herh ning poah in bawmhnak pe in riantuan tu phukhat an si. Mah ruang ahcun tu bantukin Dave Leduc zong an chungtel pakhat si dingin an sawm mi asi. Dave zong nih lungtling tein an sawmnak a cohlang nak kong cu amah fb ah a tial ve. Mah bantukin sifak miharsa hna caah i bawm in rian an tuan ti dingmi cu lawmh a um kho taktak. Pathian nih hmang chin ko hna seh.
Credit-Chin Morning Star News May 6 Laknak www.koji.earth

CNF/A Hi Chin Miphun Kan Suttung An Si!CNF/A kong hi Online ah chim ceih cio a si i, minung pakhat le pakhat kan sining le kan hmuhning aa khat lo caah, i ruahthiam ah a tha bik lai! Keimah ka hmuhning cu CNF/A hi Chin Miphun kan caah suttung bak an si tiah ka ruah!

CNF/A hi rak um hlah seh law ti van ruat hmanh! Chin ramah zei bantuk hriamtlai dah a um hnga i, zeibantuk misual/Damiah bu dah an dir lai tihi a hohmanh nih kan chim kho lo. CNF/A a rak um hi cu vialte a um lonak hnga ka van vengtu, Chin Miphun caah kan suttung taktak an sinak alangh pakhat cu a si.

CNF/A hi rak um hlah sehlaw ti van raut hmanh! Chin Miphun hi zatzat hi ramtha kan phan kho lai lo. Chin Miphun ramtha kan phak khawh cu, Pathian a si an ti. Cucu ka pom ve ko. Asinain Pathian nih CNF/A hmangin lam a kan awn piakmi a si. Cucaah CNF/A thawngin a tam u cu ramtha a phan kho mi kan si! CNF/A hi kan suttung an si caah Pathain nih a hman hna. Anmah thawngin a tampi ramtha kan phan.

CNF/A hi rak um hlah sehlaw ti van ruat hmanh!  Aluancia caan U Thein Sein Cozah chan ah khan ahodah a chawntu ding an um! Ramdaihnak kongah Chin Miphun chungin a chawn khotu a hohmanh an rak um lo. U Thein Sein chan ah ramdaihnak kong le kan Miphun kong a chim khotu cu CNF/A lawnglawng an rak si. Cucu kan Chin Miphun ah kan suttung an sinak cu si.

CNF/A hi rak um hlah sehlaw ti van ruat hmanh!  Atutan uknak firtu Min Aung Hlaing nih Chin ram cu fawi tein a uk colh lai. Atutiang Chin ram ah Min Aung Hlaing Cozah nih rian an tuah khawh lo ning le kan tei hna mi khi Mipi dirkhamhtu kan suttung CNF/A Ruang kan ti kho maw? Atu ah Min Aung Hlaing Ralkap pawl cawn viar in a tuahtu CDF dirkamhtu, an hnu in a zaipoh a relteltu Chin Miphun kan suttung CNF/A dawh an si cuh!

Kan Chin ram Caah an chunmang tlinghram cang seh! Chin Miphun hna kan dihlak dodaltu si ti loin dirkamhtu si hna u sih! Chin ram cu kan ram! CNF/A Cu Chin Miphun kan suttung/ Kan hauhruangpi  an si.Tin Cung Lian

Be the first to comment

Leave a Reply

Your email address will not be published.


*