DASSK le NLD leaders le CRPH upa an lungput ngaingai cu asi hnga maw ti cu a ka ruahter.

Executive Director of Human Rights Watch nih CRPH/NLD cungah tucu aa lawmhnak a hun langhter nih khua a ka ruahter.DASSK nih The Hague ICJ ah Min Aung Hlaing le Tatmadaw a khamh hna lio kha Human Rights Watch nih an rak duh lo tuk i an rak doh len. Tucu UN an palai thlahmi nih Rohinya cu “our brothers and sisters Rohingya” a hun ti tikah an lung a lawmhter.

DASSK le NLD leaders le CRPH upa an lungput ngaingai cu asi hnga maw ti cu a ka ruahter. Hnu le hmai kan dirhmun le kan tuahmi hi zeiset an si, timi hi ttha tein kan ruah a biapi tawn. The Hague ah a va kalmi Pu Perhkalh Thawng cu mah lio kha a kal ve i, phone bak ka chonh, “naingnganzi ruangah ka kalmi asi lo, va zoh duh sawhah ka kalmi asi” tiah a ka chimh i ka theihthiam ngai. Midang cu DASSK va dirkamh le Min Aung Hlaing va humzual kha asi tak men ko lai.

Tutan ralkap nih uknak an lakmi an raltthatnak pakhat cu: DASSK cozah cungah western ram pawl an i lawmh lo lio asi i, mah hi caanttha asi, timi hi pakhat ah aa tel ve. Nain, nitlakram cu “principle” cungah fek tein a dirmi an si, democratic norms le human rights a buarmi cozah cu an soisel dan an tat peng ko lai. Tunai te-ah EU nih Min Aung Hlaing le hoi minung 10 hna dantat phihkharnak cathanh a chuah, tutiang cu a fakbik EU dantat phihkharnak asi.Credit-Salai Van Lian Thang

Be the first to comment

Leave a Reply

Your email address will not be published.


*