“Dalan” hi zei holh dah a si? Mirang “informat” khi a si maw? “Spy”

Dalan” hi zei holh dah a si? Mirang “informat” khi  a si maw? “Spy”

MAH ralkap le palek nakin dalan pawl hmuichon ah ser, va doh, le va thah cu a ṭhat hmennak a um ve ko lai. Nain, oi tampi cu a tang tuanbia hi saram dan bantuk a si.

Mang ṭam le zawtnak a tlung ti si. An zapi in thi dih ding an si cang. Chiandeih tar nih kha hlan vialte miiseh le sa ei a hman kongah a saram hoi sinah sual thlahnak le ngaihthiam a hal hna. Cun, “Nan zapi hi harnak hin nan kuat I nan nunnak ca ah keimah hi Van nih dan ka tat sehlaw ka va duh dah,” a ti ti si. Saram dang pawl cu an lung a tongh hna. Bia ṭha ṭha an chimh. Cucu an hmuh tikah cakei le canghngia te pawl nih sual thlahnak a chim cio. Saram dang nih cun a seh, a that, i a ei tu hna cu mitthli tla in an ngaihthiam hna. Ral an ser hna lo. Cun, an i mer i zerbra rang cu an inn pawng le hmunhma I ram a rak ei bel caah bia he tuahsernak he an sam cikcek ti si.

Dalan va doh le  thah cu a herh lem lo. Dalan tiah na theih khawh kha “maw van ṭhat” ti law aa theih loin nangmah miahnak hman khawh I zuam. Na hman khawh fawn lai. Informat an si caah MAH lei hlennak ah a herhmi thawng kha hramhram in zuh ter. Va chim hna seh, an mah sunghnak ah.

WWII lio ah England ram chung I German dalan pawl cu English nih an rak hngalh dih ziar hna. German hlen khawhnak thawng kha hramhram in an zuh ter. Cu zumhtlak lo ding in thimmi lih cu German sin ah a phan. German nih van lawng a tomtom in England ah bom an rak tlak tikah minung um lem lonak le biapi lem lonak hmun ah an tla tawn. England ci hmih ding bomb tlak mission hma nung bik cu minung umnak hmanh an keng lo; caw zuatnak tu an khen an ti.

Dalan doh cu dohtlennak rianpi a si lo. MAH na dohnak cu dalan dohnak hna I hnawh ter hlah. Na hngalh mi dalan cu na ca ṭha hnem tuahtu ah hman tu I zuam.
Naa theihter hna lo le na theihter hna lomi cu an hngal in an va phuang kho lai lo.

Thuh awk a si mi kha thuh khanh hna. Cucu Dolan doh hrampi a si.

Laimi tampi cu dalan hmanh kan herh lo. An zapi ngawt in dalan phun kan si dih. Facebook le Lai news rel thiam ahcun va dothlat len hmanh kan hau lo.Credit-Hrang Zel

Be the first to comment

Leave a Reply

Your email address will not be published.


*