Cozah rianttuantu CDM ah ai tel rih lo mi sawmnak

Chin mi ralkap le palik le cozah rian dangdang a tuan mi CDM ah ai tel rih lo mi hna a tu ah CDM ah i tel ve dih cang ding in kan sawm ko hna. Pathian na dawt i miphun le ram le nang mah pumpak lila le na chungkhar na dawt ah cun hi CDM ah na luk ve ding hrimhrim a si cang. a tu bantuk caan ah hin daitein nan um awk a si ti lo.sualnak ngeilo mipi thisen tamtuk a luang cang. cucaah kawlram ngeitu mipi lei ah nan ttan cang ding in Jesuh min in kan sawm ko hna. .

kawlram mipi nih kan ngeih mi kan ram le kan vawlei le kan nawlngeihnak le kan covo vialte a mah pumpak caah i lak dih a duh tu kawl ralkap mithalo hna lei ah hin rak ttang hrimhrim ti hlah uh tiah kan in nawl ko hna. a tu hi Pathian nih thildik lei ah ttanding in an herh lio te a si.
rampi nunnak le ngeih mi thil vialte hranhram in a kan chuh peng tu kawl ralkap lei ah cun ttang hram ti hlah uh. humhak ding tu in i tim ve cang ko uh.ka rian bantuk ka ttuan kho ti sual lai lo ti na phang maw? teinak kan hmuh tik ah khanak in riansang deuh le lakha tthadeuh kan in khinh te lai.

CDM ah kaa telah cun eiawk ka ngei sual lai lo ti na phang sualmaw? ram dang um nan miphun hawi hna nih nang mah caah phaisa kan thawh cuah mah ko.CDM ah kaa tel ah cun an ka thah suallai ti na phang sual maw? mipi hi na caah vengtu kan si ko lai. a silole CNF/A le kan unau kan miphun hawi Mizo ram ah idornak a um ko. rak phang hrimhrim hlah.

ralkap he ka um hi ka him deuhnak a si lai tiah na ruah sual men lai. a sinain na him hlei naisai lailo ti hi chim kan duh. rammi kan thih ah cun na luat ve hlei lai lo. a tutan ah CDM in teinak kan hmuh lo sual i UN nih maw a kan bawm a si lo le ramchung mipi ral a thawh sual ah cun thah hmasa mi kha nang mah na si ko lai. a tutan ah hin dai te in na um sawhsawh awk a si ti lo. thiltha le thildik lei ah na ttang a hau cang. ram nih n herh lio te a si. rampi khamhnak ding caah caantha na ngei lio te a si.a tutan ah na rian na kaltak i CDM ah nai tel ah cun Pathian nih thlua an chuah lai i mipi zawng na cung ah kan i lawm ngaingai lai.

Mifir le mithalo pa kawlram pi nih kan ngeih i kan i hrawm mi kan ram le kan vawlei le kan covo le kan nunnak vialte hramhram in a kan chuh i a mah ta ah canter a timh dih tu khuachia fapa Min Aung Hlaing caah maw na nunnak na pek lai ,a silole nang mah le na chungkhar le na ram le na miphun le kawlram mipi vialte caah dah na nunnak na pek lai. tha te in ruat ding in kan sawm ko.a suallo mi thisen man Pathian nih an cawh hlanah ah CDM ah i tel ve cang ko.ttih hlah na caah thluachuah luhnak kutka tu a si ko
Credit-Chin Tha Cung

Be the first to comment

Leave a Reply

Your email address will not be published.


*