Covid19 update: Ralrin thiam kan herh

Tlangrai thalo Covid19 nih ruah loin a hun kan naih than caah ralrin thiam ngaingai a herh ko. Tuchun zong mizawthar minung 3 hmuh than a si i Victoria ramkulh chungah mizaw 38 an hung um than.

Cupinah zawtnak a ngeimi hna len-vah ruangah kan i chawnhbarh lai phan a um ngaingai. Mizaw umkalnak hmun kip kha thawngthanh le theihter in cu ka hmunhma i a umkalmi paoh testnak tuah dingah kan cozah nih thawng a hun thanh lengmang.

Cucaah Zawtnak a umnak hmunhma le pawngkam ah a umkalmi kan si ve sual ahcun pello tein Test i tuah ve ding a si lai.

Nichuah Laimi kan umkalnak bik pawl a simi hmunhma zong a hun i tel hna. Cucaah a tanglei hmun le caan ahhin nan rak kal maw a hnu deuh a si sual zongah nan kal ahcun testnak tuah cio ding a si lai.

  1. Springvale Shoping centre Date : 29/12/2020 2. The Good Guy (Nunawading) Date: 31/12/2020 3. Chirnside Park Shoping center Date : 29/12/2020

Hmun dang tampi a um nain mah hihi Laimi kan umkalnak deuh an si caah mah vial hi kan hun langternak a si.

Cun lenkai i ralring deuh hna usih.A si khawh ahcun lengvaak tuk lo tein um khawh hi a tha bikmi runvennak a si. Leng kan chuah tikah Hmurhuh (Mask) hman hrimhrim ding a si lai.

Nawlngaih hi kan damnak le himnak a si. Tutan hiti zawtnak a hun um thannak zong hi Nawlngailo mi hna ruangah a si caah ralril le nawlngaih i zuam hna usih.

A tanglei ahhin Covid19 Zawtnak a ngeimi an umkalnak hmun le caan le Testnak hmun pawl kan hun thil chih hna. Siaherhnak he,
ACC

Be the first to comment

Leave a Reply

Your email address will not be published.


*