Covid Zohkhenhnak He Pehtlai In Cikha Sii-Inn Ah Harsatnak An Tong

Cikha ah Covid-19 Mizaw pa 7 an hmuh hnuah Cikha Sii_Inn cu harsatnak tampi an tong an buai,chun zaan in sii-inn ah mizaw a zohkhenh tu Chief Nurse le Lab Technician Lun Za En nih a ti.

“Oxygen, thilri le mei zong duhningin hman ding kan ngeih lo pinah mizaw phorhnak mawtaw zong thathi in kan ngei lo. Siibawi zong kan i daih lo, Sii-Inn riantuan minung 11 ah atu minung 3 lawng rian kan tuan” tiah a chim.

Ralhrangbu nih uknak a lak hnuah Siibawi tampi cu CDM ah an luh caah Sii-Inn tampi cu riantuantu an um lo caah khar a si.

Pi Lun Za En nih Cikha ah minung 24 ah kan hmuh mi lakah pa 7 hi sii-inn ah zohkhenh a hau mi, a zual deuhmi an si tiah a ti.

Cikha hi Chin ramkulh India ramri he meng 6 lawng a hlat mi khuapi pakhat a si. Atu ah Stay at Home ah thanh a si. reuters The Chin Post

Kan pawngkam, kan vawlei ah thawngpang tha kan thei kho ti lo Kan hmuh mi le kan theih mi lungretheih nak lawng te. Harnak phunkip, raldohnak le zawtnak phuntling an vakvai.Micheu nunnak ah dawtnak a um kho ti lo, zawnruahnak a lotlau .

Chun hmanh ah ning tihin kan um caan a tlawm ti lo.Kan khuaruahnak nih tihphannak le thlalau nak tiang lawng a phanh khawh.Kan vawlei sining ruangah kan ruah nak ,kan chunmang lawng hlah mi tampi kan nunnak a hrawh lungdong in khua mui ram ummi bang.

Zei bantuk thil hmanh khi cang ko seh Pathian zummi ,miphun kan si caah mi vantha tuk kan si.. Pathian nih theihpi mi miphun/pumpak kan si ding zong a biapi tuk.

Na thilrit vialte ho sin ah dah na chim phuan tawn ? Na tih mi thil kong ah ho khi dah bochan ngai in na chimh ruah tawn ? Na lungretheih nak kong ah hodah na chimh hmasa tawn?

Bawipa kha chim ko, Bawipa lawng kha zum ko , Bawipa lawng i hngatchan ko , thilrit chawngtu cu PATHIAN lawng hi a si .Amah kha neihlaw an neih ve lai ..hñangam nak in na khat ko lai .

Kan pawngkam , Kan hmuhtheih mi tu nih kan nun kha cawnpiak sehlaw Bawipa Pathian he neih ten ummi nun cawng cio hña usih…

Nihin nitiang nunnak, damnak kan hmuh mi hi a thluachuah sungbik a si ko …The Chin Post

Be the first to comment

Leave a Reply

Your email address will not be published.


*