COVID hi “a rak chuak te lai i vawleicung harsat nak a kan pek te lai” tiah ahohmanh nih kan rak hngal kho lo.

COVID hi “a rak chuak te lai i vawleicung harsatnak a kan pek te lai” tiah ahohmanh nih kan rak hngal kho lo. Asinain atu kan mithmuh ah a um taktak!Cu COVID hi “Cu ni thla ah a dih lai” tiah ahohmanh nih kan chim kho lo. Asinain nikhat khat ah a dihte lai ti cu a fiang.

Cun hmailei ah COVID nakin ṭihnung deuhmi zeidah harsatnak a ra rih lai kan hngalh kho lo. Asinain Bible nih “Zeicahtiah khi caan ahcun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo” (Matthai ‭24:21‬), tiah ati. Cucu a um taktak lai ti a fiang nain a nilecaan kan hngal kho lo.

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,”(Bia ‭22:7‬), tiah ati. Cucu a cang taktak ding asinain ahohmanh nih a nilecaan kan hngal kho lo. Jesuh Khrih a ra taktak lai.

Nangmah le keimah zong vawlei ah kan rak chuah lai hi ahohmanh nih kan rak ihngal kho lo i kan thih lai zong hi kan ihngal kho lo. Asinain kan thi lai ti cu a fiang nain a nilecaan kan hngal kho lo.

Zeizong vialte hi Pathian kut chungah a um tihi, khuaruahkhawhnak common sense angeimi nihcun nifatin hi Khrih loin kan um ngam ding asi hrim lo. Vawlei hi kan donghnak asilo.

Vawlei kan chuah ni khi kan thih ni relnak hramthok asi. Cubantuk cun kan thih ni khi zungzal nunnak kan ithoknak ni asi. Hell ah maw zungzal kan nun lai? Vanram ahdah zungzal kan nun lai? Cucaah Khrih hi na Bawipa ah iser zungzal ko. An deuh hrimhrim lai lo.Credit-James Vanneilian

Be the first to comment

Leave a Reply

Your email address will not be published.


*