Congratulations to you too.

Hi biazai vialte lakah ka thinlung a la biktu le biazai ṭialning can a thiam cemmi tiah ka thimm hna pahnih cu Victory Sung le Joseph hi an si.

Joseph ṭialmk Biazai hi “Ralzam Nun” timi biazai a si. CDF/CNA he aa pehtlaih lo ruangah thim cawk a ṭha lo nain tutan kan boruak kong he aa pehtlaih tuk caah thinlung la bikmi biazai ah ka thim. Laksawng ah 20000kyats a si te lai.

Vication Sung hi kan hnu kum ah teinak a cotu a si. Tukum zongah biazai ṭialmi vialte lakah a biazai hi rumra a ngei kho tuk. A ṭial ning dan le a cafang a tlak ning aa dawh. Cucaah tutan zuamnak i biazai ttial dan a thiam biktu ah ka thim. A nih hi top 5 ah aa telmi a si. Laksawang ah 20000kyats a si ve te lai.Kaa lawm nan zapi tein.NS Hrangtlung

September 14, 2021, Tuesday RAI & RAL R&R Hrial awk tha lo rai le ral kan ton caah tial than lengmang ko ning! Hi R& R ruang ah dawtu le dawtmi miphun hawi hna mual an liam tam cang. Ngaih a chia tuk hringhran. Rai le ral cu hmun kip in kan si khawhnak zawn cio in doh cio a si. Chinram ah a ummi rai le ral cu vawlei ram kip in Chinmi dihlak kan tang hna i kan do ti hna. Pathian nih damnak le teihnak a kan pekmi kan hmuh tikah thanuam lawmhnak in kan khat cio hna. A min kan thangthat.

Nain, hi lawmhnak cu a hramthoknak lawng a si rih. R& R dohnak cu aa peh peng rih. Teinak kan hmu tiin kan thinlung ai dinh sual ding hi phan a um taktak. Atu cu cho kai kan thok ka te lawng a si rih. Tlang par ah chuak lak in kai khawh hrimhrim kan hau. Cu caah, kan Bawipa Jesuh Khrih nih a kan chimhmi bia hi philh lo tein R&R hi do ti hna usih:

Jesuh Khrih nih Amah ruangah a ra lai mi hremnak kong a chim lio ah “Mi kip nih nannih cu Keimah ruangah an in huat hna lai, sihmanhsehlaw a dongh tiang a hmunmi nih khamhnak nan hmu lai” tiah a ti [Matthai 10:22]. “Cun mi nih an in tlaih hna lai i dantat awk ah an in chanh hna lai i an in thah hna lai. Keimah ruangah mi vialte nih an in huat hna lai. . . That lonak kha a karh tuk lai caah mi tampi cu an dawtnak kha a dai lai. Sihmanhsehlaw a dongh tiangin a fekmi cu khamh an si lai” a ti than [Matthai 24:9-10, 12-12].

Jesuh Khrih nih a chimmi hi Chin zumtu hna nih a phunphun in kan ton lengmang mi le ton lai mi an si dih. A chim bantuk in a dongh tiang in fek tein kan dir ti hna ahcun teinak le khamhnak cu kan hmu ko lai. Kan ruahchannak cu Pathian ah si ko seh! Bawipa nih teinak kan pe hram ko seh! Thluachuah in pe cio hna seh!Credit-C Duh Kam

Be the first to comment

Leave a Reply

Your email address will not be published.


*