Congratulations Biak!

CONGRATULATIONS! Perry Meridian High School (Indianapolis) ah taang 12 (senior) a kai liomi pahnih; BiakTinSung le JeffMcClure nih West Point i U.S Military Academy ah appointment an hmuh i ka lawmhpi taktak hna.

West Point US Military Academy hi US ralkap sianginn ṭha le minthang taktak a si. Kum 1802 ah Thomas Jefferson nih a dirhmi a si. Hi sianginn i luh khawhnak ding ah hin cathiam lawng si lo in thil tampi a herh. Hmaak (GPA) ṭhat le sianginn cawlcanghnak kip i itel khawh tehna a herh pin ah US Senator le Representative tiang nih min pekpiak (nominated) i chim thiampiak a herh.

Mai Biak Tin Sung hi US senator Mike Braun le US Rep. Andre Carson nih min an pekpiak (nominated) i Perry H/S in nu a voikhat nak le a hmasabik a lut dingmi a si.  West Point US Military Academy lut ding i a sawkmi chungin 10% lawng nih  appointment hi an hmuh khawhmi a si. Hi tluk U. S ralkap sianginn ṭha i kan Chin (Lai) nu a luh khawh ve ding mi cu lung a hmui taktak. A phaisa in tuak ahcun million tampi man a si.

Congratulations Biak!Kan Chin mino hna hi kan umnak ram kip ralkap ah lut cio hna seh law hi hnu kum 2, 3 ah ralkap Uihruut (terrorist) pawl doh dingin kan ram ah tlung cio tehna seh law a ṭha hnga.Credit– Vanceuuk Khenglaw

Zuan hnawh an hau.Tuzing(7-4-2021)zingka sml 5:00 hrawngah ralhrang ralkap le palik nih Kalemyoh “tapaih khantat” pakhat ngaihthlem in an kah hna i, Kalemyoh khua cu ral ram ah aa chuah ko. Kan rak tlawnlen tawnnak Kalemyoh khua dawh kha mu. An i kahnak video clipp ka zoh i, minung cu chim lo. zu le va hmanh an hram i, an ai len. Minung 11 an nunnak a liam phah an ti.

Thlacam lawng a za ti rua lo. Tangka thazang zongin kan ti khawh tawk cio zuan hnawh an hau cang. Norway ram ummi hna nih nan ti khawh tawk cio rak i tel ve cio ulaw kan i lawm ko hnga. Vipps: 46675071(Pu Hmunceu Khenthang)
By-Perhkalh

Be the first to comment

Leave a Reply

Your email address will not be published.


*