Company ah nifatin nazi 10-12 chung hawi he rian kan ṭuan.

Company ah nifatin nazi 10-12 chung hawi he rian kan ṭuan.Biakinn ah zarh khat voikhat te khrihfabu pumhnak nazi 1-2 chung te kan ngei. Company ahcun COVID lak zong ah nifatin in nazi 10-12 chung hawi he rian ṭuan ah kan i thawh, nain,

Zarh khat ah voikhat nazi 1-2 chung te kan i pumhnak biakinn cu COVID ruang ah kan kharmi le pumhnak program kan canceled i a nungmi khrihfabu daidup in a um ko mi hi ruah deuh awk a si lo maw, ti ka ruat.

Kanmah pumpak duh herh ahcun COVID nih a kan dawn lo nain,Biakinn kal cu COVID kan i donhter mi zong hi ruah deuh awk a si ko lo maw, ti ka ruat hoi.

COVID in kan zawt ahcun inn ah a herh ning in kan i eerh hna lai. Kan dam ahcun Bawipa kan thangṭhat lai i COVID lak zong ah Bawipa rian cu ralṭha tein Kan ṭuan awk si ko lo maw, ti ka ruat.

Cun Bawipa kan thangṭhat ruang le a rian ṭuan ruang ah kan va zawt ṭhan sual ahcun inn ah kan i eerh ṭhan hna lai. Kan van dam ṭhan in Bawipa cu kan thangṭhat ṭhan hna lai i a herhmi a rian cu kan ṭuan ṭhan hna awk a si ko lo maw, ti zong ka ruat..

Company nih kan dam lo ahcun rian ah ra hna seh ti an kan duh lem lo. Kan dam ding an duh caah inn ah eerh an kan fial. Nain, kan dam ko ahcun rian ah fel tein Covid lak zong ah ra hna seh ti an kan duh. An Business ṭhanchoter an duh. An caah kan biapi tuk.

Khrihfabu zong nih kan dam lo ahcun biakinn ah ra hna seh ti an kan duh lem lo. Kan dam ding an duh ve caah inn ah eerh an kan fial. Nain, kan dam ko ahcun biakinn ah fel tein Covid lak zong ah ra hna seh ti an kan duh. Pathian Pennak kauhter an duh. An caah kan biapi tuk ve.Credit-Van Neih Bik

Be the first to comment

Leave a Reply

Your email address will not be published.


*