Comment Pakhat Ka thinlung a caam termi pakhat

A hosat ttialmi ka vun cing lo. CNLD ttanhtu pakhat cu asi. Ka rel lio ah amin ttha tein ka rak zoh lo caah asi.

A luancia zerh hnih-thum hrawngah khan asi rua dah, ka ti. Laimi Fb group pakhat ah ka rel/hmuhmi asi. Zeimaw caan ah, mah cu comment te cu ka thinlung ah a chuak ttheo. Cucu hitin a ttial:

CNLD ka vote ko lai. Kan sungh zongah kai chir lai lo.” Mah te lawng hi a ttial. Zeidang a chapmi um lo. Mirang in hei leh piak ahcun: I’m going to vote for CNLD. I won’t regret even if we lost.

A comment ttialmi bia-umkalning (phrase) ka zoh tikah: zeitlukindah CNLD vote dingah a thinlung ai thleh cang, ti a lang. Lungthiang (honest) tein mah miphun ttanh duhnak lungput a ngei, ti zong a langhter chih fawn, in ka thei.

Naihrawng Laitlang politics boruak lakah, cu comment te cu khua aa ka ruah ter ngai, ka thinlung a caam termi pakhat asi. NLD ttanhtu pawl comment ka uarmi ka rel hmuh tikah ka vun post ve te lai.Salai Van D Ceu

Be the first to comment

Leave a Reply

Your email address will not be published.


*