CNLD ṭanhtu pawl zong nih Aung San Suu Kyi khi a mah zong Kawlnu an ti bak ve

CNLD le USDP :A party kong ka chim duhmi a si lo. A ṭanhtu pawl kong hi ka chim duh veve. Atulio CNLD a ṭanhtu pawl caṭial le comment hi atulio Kawlram chung i USDP a ṭanhtu pawl caṭial le comment he aa lo bak. Ci le kor in chim siseh law, unau an si lo hmanh ah phunkhat an si lai ti khawh an si. Sermi thil si hna sehlaw, phunkhat an si lo hmanh ah an company pakhat a si lai ti khawh an si fawn lai.

USDP ṭanh pawl nih Aung San Suu Kyi khi a min hmanh in an au lo. Tarnu an ti. Kala nu an ti rih. Buddhist biaknak zei ah a rel lomi an ti rih. Kawlram hi Muslim ramah a ser te lai an ti hoi. Kawlram hi mirang kut tangah a tla te lai an ti fawn. NLD party khi thong chuak lawngte an ti hna. NLD cozah khi zeihmanh an tuah thiam lo an ti rih. Kum 5 chungah zei taktak hmanh an tuah kho lo an ti fawn. Anmah le anmah tu cu phun dawt, biaknak ṭanh(mio chit, taa tana chit) an i ti bak ve.

An pu le hrimhrim nih :An pu le hrimhrim nih kanmah a cozah kan si ahcun atu nak a let tampi in Kawlram kan ser lai an ti. Kum 60 chung a cozah an rak si bal cang i, Aung San Suu Kyi le NLD a cozah nih kum 4 fai chungah Kawlram an sermi khi zeitindik a hmai an khah hnga?

CNLD ṭanhtu pawl zong nih Aung San Suu Kyi khi a mah zong Kawlnu an ti bak ve. Kawl cu Kawl an si ko an ti rih. Tlangcungmi zei ah a kan rel lo an ti fawn. Kawlmi kut tangah um zungzal hna seh ti a duh an ti. A mah lawng hlah, a pa hmanh an thangchiat chih. NLD party khi Kawl party an ti. Anmah le anmah tu cu phun dawt, phun ṭanh an i ti bak ve. Kanmah a cozah kan si ahcun kan cungah Pathian lawng a um lai an ti, an ti bantuk ko.

An pu le hrimhrim zong:An pu le hrimhrim nih a cozah kan ser lai an ti rua. Nuhrin covo kan laak ṭhan lai an ti fawn rua. NLD cozah cu Kawl a cozah an si ko an ti rih. Kum 5 chungah zei san hmanh an tlai lo an ti rih. NLD lawng hlah, Dr. Sa Sa tiang sum phomh in an phomh chih rua. NLD party in Vice President a simi Pu Van Ṭhio khi zeitindik a hmai an khah. Laimi caah facang tunkhat zong a hlut bal lomi hna nih kum 4 fai chungah Pu Van Ṭhio nih Lairam caah thil a tuahmi khi zeitindik a hmai an khah? America le England ah duh tawkin khua a sa kho komi Laitlang khua hriang bik Lailenpi khuaah khua a sa komi Dr. Sa Sa khi zeitindik a hmai an khah?Credit-Perhkalh

Be the first to comment

Leave a Reply

Your email address will not be published.


*