CNF hi mipi nih kan mawh chiat hna tikah kan mah kan imawh chiat asi,

CNF dirhmun mipi nih kan theih thiam a herh:CNF hi  mipi nih kan mawh chiat hna tikah kan mah kan imawh chiat asi,Kan thang that hna asi zongah kan mah kan i thang that a si.Mi tampi nih kan theih thiamlo mi cu CNF le Tlangcung mi phu dang(KIA,KNU,AA,UAH, etc)he kan tah chunh tawn hna i cu cu a si lo,

CNF a silo mi hna dirhmun cu an ramah  Natural resources(Sui,Lunghring,Zinaan, Tlawr thing etc)tam tuk a chuak i an uk khawhmi chungin an laki phaisa tamtuk an ngei i cu phaisa cun tirawl,hriamnam an cawk ralkap hlawh an pek khawh fawn,Meithal cu chimlo fighters plane tiang an ngei i ralkap hmanh 10000-130000tiang an pha kho.Kan nih Laimi cu kan ramah zei hmanh a chuahlo tikah a har tak tak,CNF kum 37 chung an dir khawh hmanh hi fak awk tlak lawmhpi tuk ding an si,Laimi(Chinmi)nih Phun le Ram a dirkamh tu kan ngei peng kho mi hmanh hi kei ka rak i lawm tuk.

Ruat hmanh firing operation vawi khat chuah te lawng hmanh ah hin mi nung 100 hrang hmanh ah Kyat 40000000(40 millions)ahau cucu kuan ca lawng lawng ah a si,meithal cawk nak ah hin zuun 100 ah millions 14 a dih a hau meithal zuun 10000 nei ding dingcun millions 1400(1400000000)a hau tuak hmanh uh cu pinah an eiding an uniform le camp siam siamnak ding  le army salary a herh rih fawn,Laimi kan har cio phaisa kan bawm kho hna lo bawm chawm in zei tin hme an tha zaang cu a thawn khawh hnga??Kan sii a fak tuk kan ral tha kho ding a si lo kan ral atha tuk leh lam hi teh.

Cu caah cun thla cam le thluakin fimnakin cabuai cung ah kan ram le kan phun that nak dingin lai kan rel hi a herh mi a si ko.Ral kap kan neihmi te hna nih hin vawi hnih khat operation hi thlah usih law, Nan ar nan vawk nih an tuar lai,nan inn nan khua an duah lai an in tlaih hna lai an invuak hna lai,an inhrem hna lai,an inthah hna lai cu ban tuk kan tem tuar dingmi vial te cu an ngai ngam lo ti theih ding dinga si.Ghandiji le Aungsan suh kyi policy a ngei mi tu kan si ti theih ding,KIA le KNU nih kum 73 meithal in kawl kawlral kap an kah ko hna nain sullam cu an neih hlei rih tung lo.Pathian nih Laimi an kan par ter caan a um te ko lai.
Credit-Suiawr Khuplian

Be the first to comment

Leave a Reply

Your email address will not be published.


*