CNF Headquarter Pawng, India Lei Kap Ah Assam Riffles Nih A Puak Khomi Thilri Tampi An Tlaih

CNF Headquarter he meng 16 lawng a hlatnak, Mizoram chung Farkawn khua ah, June 22, tuni ah Assam Riflles nih a puak khomi thilri tampi an tlaih tiah theih a si.

Hi thilri hna he aa pehtlaimi minung pahnih zong an tlaih chih hna. An tlaihmi thilri hna cu a puak khomi thilri dip 63, lung puahnak bomb thluan 37 le cu bomb caah a herhmi dangdang hna an si. Zalen The Chin Post

Adang relthan:Kawl an thawh hlancu timi ruahnak hi Ralhrang bawmtu ruahnak asi.Tulio kan Chin ram kahdohnak ah ka theih le rel pah mi ah ka hnak a ka doh ngaimi cu “Kawl rawn an cawlcangh hlanah Chin/Tlangmi kan cawlcangh ding asi lo kan faktuk, kan daih rihawk asi” timi ရေသာခိုစိတ် hi asi. Hihi phundang in kan chim ahcun Ralhrang pawl an thazang i hrim hna seh law an i manh in kan deng ţhan hnaseh ti he aa lo.

Ziah tiahcun hitluk Kawl rawn lei nih CDM antuah, ralhrang rian khinhmi pawl an tlaihhna an thah hna, ralhrang pawl chungkhar le ngeihmi hrawh le ţhio hlohral nak rian nifatin an ţuanmi khi doh asi lo tiah maw nan ruah? Kawl rawn nih meithal an ngeihlo i an kah khawh rih hnalo nain ralhrang le an chungkhar pawl rawl ei chung pillo le zan ih merem lo in ni fatin Kawl khuapi khuate kip ah an tuah hna khi nan hmu lomaw?

Khi tuahsernak nihkhin Kawl rawn khuakip ah Ralhrang pawl nih anmah le chungkhar himbomnak ah chunzan dinh loin an um, khuapi kip runvennak antuah caah an ralkap thazang Kawlrawn hmunkip ah an i ţhekdarh i ba cikcek le an thazang dih lak in an um tikah kan ramţhen le Tlangcung hmun hna ah an rak kai khawhlo khi nan hmu lomaw? Taktak tiahcun can tawite Chin ram kahdohnak ah Ralhrang 100 leng an thi i za lengkai hliam an tuar nain nihin tiangah Chin ram a rak kaimi le a ummi ralkap khi rel hna uhlaw 5000 an tling hngamaw. Khi nih a langhter mi cu Kawl rawn hmunkip ah an chungkhar le an pawcawmnak nun himnak ah an i ţhekdarhdih caah an thazang a zortuk ti a lang. Hilio can ah kanmah Tlangcung mi nih a um ciami hi doh le kah ve hna in ţhio khawh hna hi kan tuah zokzok ding kan rian asi.

Culo ahcun kan mah le mah kan i hngah karah an thazang an i hrim lai i kan mah le kan mah “an nih an tho lo kan mah kan temdeuh” tiah kan i sawh chukcho karah ţhencheunak le ţhekdarhnak an tuah lai i an kan ţhio ţhan lai. Kan canţha hi hngalhthiam le hmanthiam i zuam kan hau. Tulio canţha hi kan caah teinak a kan kalpi tu lamţha canţha asi. Hican i anmah thawh hlan ah, anmah do hmasat hnaseh timi ruahnak le lungput cu mi dang thazang in ţhatnak co duh le phundang in chim ahcun Ralhrang pawl thazang hrimhter duhnak ruahnak asi.Credit-Penghlawn Ceu

Be the first to comment

Leave a Reply

Your email address will not be published.


*